زبدةالاشعار

ای دل کلید باب جنت دی نام زهرا #فاطمیه_ساعد_زنجانی

توصیف مقام بی بدیل ملیکۀ هستی حضرت فاطمه علیها سلام
.
✍️ #زبدةالاشعار ✍️
.
🆔: @nohe_torki
.
مرتضی اسکندری (ساعد زنجانی)
.
ای دل کلید باب جنت دی نام زهرا
گلزار مصطفایه زینت دی نام زهرا
تفسیر آیه های رحمت دی نام زهرا
گلواژه ی عفاف وعصمت دی نام زهرا
.
محبوبه خدای منان لم یزل دی
خلقتده بی قرینه عصمتده بی بدل دی
.
.
.
زهرا گراولماسیدی عالم خراب اولاردی
نه لاجَوَردی گویلر نه آفتاب اولاردی
نه خاتم رسولان نه بوتراب اولاردی
باخسیدی هرزه اوتلارگل یا گلاب اولاردی
.
جنت بدون زهرا آتشفشان غم دی
هر یرده نام زهرا گلسه اویر حرم دی
.
.
.
اسرار آفرینش ، گنج زمان دی زهرا
اسطوره ی نجابت ، فخر زنان دی زهرا
مخفی ده اولسا قبری گون تک عیان دی
ظاهرده دفن اولوبدی ، عرش آشیاندی زهرا
.
یوخدور سوزوم اوپردی پیغمبراللریندن
گون تابشون آلاردی سیمای انوریندن
.
.
.
کیمدور خانم قلوب عاشقلره جلادی
کیمدور خانم جلالی مافوق انبیادی
آلله دیسم خطادی ،انسان دیسم جفادی
بسدور بو مدحتینده همکفو مرتضادی
.
فخریله گتدی جبریل ئوز وحی منزلینی
زهرایه خاطر الله خلق ایلییوب علینی
.
.
.
زهرانون اهل عالم درگاهینه گدادی
توصیف ایدن جلالین خلاق لا برادی
قرآن بدون کوثر پیکردی سر جدادی
حتی طواف کعبه بی فاطمه قضادی
.
سرتاسر بهشته حاکم دی بو نوشته
زهرایه خاطر الله زینت ویروب بهشته
.
.
.
آل عبایه خاطر خلق الدی عرش اعظم
زهرائیلن تانیندی آل عبا مسلَّم
زهرا واریدی حتی قبل از ظهور آدم
ذکر ایلیور ملک لر زهرا آدین دمادم
.
فرمایش صریح خلاق لا یُرادی
زهرا دلیل خلق پیغمبر خدادی
.
.
.
زهرانی حی سبحان عشقه محک یاراتدی
یکتادی ئوز وجودی زهرانی تک یاراتدی
شیر خدایه همسر دینه کمک یاراتدی
خیر النسایه خادم سایسیز ملک یاراتدی
.
آئینه ی جمال خلاق ماسوادی
هر درد بی دوایه یا فاطمه دوادی
.
.
.
چوخ قیزجهاندا ایسترالگوی برتر اولسون
پیغمبرون عزیزی زهرایه مظهر اولسون
البته شرطی واردور یازدوم مکرر اولسون
زهرا کنیزی باید زهرایه بنذر اولسون
.
هرقیز که بو جهاندا زهرایه منتصبدی
سرمایه ی وجودی قرآن،حجاب ، ادبدی
.
.
.
عاص بن وائل اوندا ابتر دیدی رسوله
دگدی بو سوز رسولین قلبینه چون گلوله
پیغام ویردی فورا پیغمبر ملوله
چشم رسولی روشن ایتدی رخ بتوله
.
جبر زمان اگر چه قدین اونون اگردی
بیر قیز ویروب وجودی مین اوغلانا دگردی
.
.
.
خلق ایلینده سبحان ذرات ماسوانی
نوریندن ایتدی مشتق پیغمر خدانی
اول نوریدن یاراتدی سیمای مرتضانی
قاتدی او نور نور زهرا ی مهربانی
.
نور علی و زهرا ممزوج اولوبدی باهم
اول نوریدن یاراندی اون بیر امام اعظم
.
.
.
#فاطمیه_مدح
#ای_دل_کلید_باب_جنت_دی_نام_زهرا
#ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  غدیر آمد هویدا شد به عالم قدر شیعه #غدیریه_ساعد_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی