سعادت حسین مجلسینده دی …
گریز به زبانحال حضرت ام البنین (س) در مدینه
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
ای دوستان شرافت حسین مجلسینده دی
گل بی ریا سعادت حسین مجلسینده دی
.
.
پیغمبر گرامی گیوب قاره جامه سین
قان آغلیور الینده دوتوبدور عمامه سین
سیز چوخلادون آماندی عزانین ادامه سین
چون خاتم رسالت حسین مجلسینده دی
.
.
پهلولری سینان اورگین تیر غم بولن
اوغلانلاری دیار بلاده سوسوز ئولن
زهرا حسین آناسی هامی دردوزی بیلن
محبوبۀ قیامت حسین مجلسینده دی
.
.
مولا گلوب سرشگی گوزوندن آخا آخا
سینه وورا امام حسینه آچوب یاخا
یاندیم دیور اوغول شهدایه باخا باخا
سرمکتب ولایت حسین مجلسینده دی
.
.
ای زینبه توسل ایدوب قاره سین گین
زهرای ثانیدن اوزونه چاره ایستیین
ویر دردیمین دواسینی من عاجزم دین
بانوی باکرامت حسین مجلسینده دی
.
.
واردور اگر اورکده سیزون محنت و اَلَم
حاضردی سو یانندا اولان قوللاری قلم
دردوز واروز دیون دایانوب صاحب علم
عباس سرو قامت حسین مجلسینده دی
.
.
ای مجلسون جوانلاری دنیانی داغلیون
ماه عزا اولاندا باشا قاره باغلیون
اکبر جوان ئولوبدی ملالینده آغلیون
باشنده وار جراحت حسین مجلسینده دی
.
.
ای نوجوانلر اِئشیدون ایلیون نوا
دوغراندی گل وجودی دوتون قاسمه عزا
قان آغلادی ئولنده حسین شاه کربلا
داماد بالیاقت حسین مجلسینده دی
.
.
ای هر زمان گلنده آدی باشینی آچان
حاضردی اوچ یاشیندا گجه چوللره قاچان
اولدون دخیل رقیّه سنه باخمادی هاچان؟
گنجینه سخاوت حسین مجلسینده دی
.
.
گلمیش ربابیلن سوسوزوندان یانان بالا
ایستی هواده نار غمه اوتلانان بالا
اوچ شعبه تیرلن بوغازی اوخلانان بالا
اصغر گلوب بو ساعت حسین مجلسینده دی
.
دعوت اولوب گلوبدور امام زمان یاسا
مجلسده نوحه خوان اوخیاندا قولاق آسا
جان تک رقیّه عمّه سینی باغرینا باسا
سرچشمه عدالت حسین مجلسینده دی
.
.
ابن مظاهرین گوزی بو مجلسوزده وار
گرچه شهید اولوبدور او پیر حسین شعار
ایکاش دیوب اولیدوم او محفلده اشکبار
آیینه نجابت حسین مجلسینده دی
.
.
مسلم گلوب یانندا مطهّر بالالاری
اوغلانلاری دولاندی بیلورسوز هارالاری
اللرده ئولدی گورمدی مرحم یارالاری
سردار باکفایت حسین مجلسینده دی
.
.
باخ ای خدا حسینه گوره آغلیانلارا
کرببلادن اوتری جگر داغلیانلارا
لعنت مزارینون یولونی باغلیانلارا
مشتاق اولان جماعت حسین مجلسینده دی
.
.
کرببلاده فاطمه نون دلبری یاتوب
اوچ شعبه اوخ بولن سینه ده اصغری یاتوب
شش گوشه قبرین ایچره علی اکبری یاتوب
غمنامه شهادت حسین مجلسینده دی
.
#گریز
.
کرببلاده ام بنین گُلّلری سولوب
یثربده بزم تعزیه ده گوزلری دولوب
عبّاسینون غمینده آچوب باشنی یولوب
اظهار ایدوب عنایت حسین مجلسینده دی
.
.
دوز چخدی نینواده اباالفضلیمون سوزی
میدانیده حسینه گوره اوخلانوب گوزی
گوزدن آخوبدی قان بویانوب قانینه یوزی
گفتار بی نهایت حسین مجلسینده دی
.
.
گلزاریمه دیار بلاده دولی دوشوب
عباسیمون دیولَّه فراته یولی دوشوب
نهر فراتیدن قییدنده قولی دوشوب
سقّای با دیانت حسین مجلسینده دی
.
.
گُل پیکرینده سانجیلان اوخ خاره بنذیوب
باش یاره سینده حیدر کرّاره بنذیوب
قولسوزلوقوندا جعفر طیّاره بنذیوب
اقوامه سرسلامت حسین مجلسینده دی
.
.
#ورود_محرم
#حسینیه_حسینیه_مدح
#ورود_مدینه
#حضرت_ام_البنین
#عباسیه
#ای_دوستان_شرافت_حسین_مجلسینده_دی
#معزی_اردبیلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید