سلام بر ثامن الائمه علیه السلام
.
✍️ زبدة الاشعار ✍️
.
🆔: @nohe_torki
.
کربلایی حسین شهاب پور
.
ای رضا ای کوکب رخشان سلام اولسون سنه
ای رضا ای منبع احسان سلام اولسون سنه
ای حبیب حضرت رحمان سلام اولسون سنه
قبر پاکین جلوه گاه عشق جاناندور رضا
افتخار سرمدی محبوب یزداندور رضا
.
.
ای اولان زهر جفادن قلبی آلقان السلام
ایلین غربتده جان تسلیم جانان السلام
ایلروخ بیز ماتمونده آه و افغان السلام
ای فروع دیده حیدر گل طاها رضا
ای سرور سینه زهرا علی موسی الرضا
.
.
شهریار طوس ایدوبسن سن خراسانی جنان
واردی ایراندا مگر بیرده خراسان تک مکان
فخذ ایدر اعزازیوه هر یرده مولا شیعیان
وارث موسی بن جعفر ای امام منتخب
عرش و فرش افلاکیان سسلرشه والا نسب
.
.
هر شب جمعه اولارسان بزم عشقه میزبان
چون قوناقدورد اول گیجه بزمینده اون بیر میهمان
از امیر مومنان تا مهدی صاحب زمان
گوهر جسمون وروب ایران زمینه اعتبار
باشیمه تاج شرف سنسن شه والا تبار
.
.
وصفوه عاجز قالوب مولا سنون الده قلم
صاحب جاه و جلالتسن امام محتشم
بهجت افزا دور ضریحون ای رضا همچون ارم
سن وصی بر حق باب الحوائجسن رضا
هشتمین اختر همان فخر الخلایقسن رضا
.
.
بارگاه اقدسون حج فقیرا ندور رضا
خاک پاک مرقدون هر درده درماندور رضا
اهل هیئت گورنجه هجرونده گریاندور رضا
ایسته مولا قبریوه بیر وقفه ده زوار اولاق
راضی اولما حسرتیندن بیز ساری گل تک سولاق
.
.
گر ضریحون ظاهری برقیله رخشاندور سنون
باطنا قبرون خدا نوریله تاباندور سنون
دردمندانه ولی لطفون نمایاندور سنون
صدقیله یوز دوتسا هر کیمه آلار سندن شفا
وار صفتای مرقدون ای صاحب ایوان طلا
.
.
زهرلی انگوریله مامون سنی ایتدی شهید
باطنی منظورینی گتدی اله مرد عنید
حیف اولا قالدی جوادین دهرده مولا وحید
قالمادی توپرقلار اوسته لیک جسمون بی کفن
اولدولار حاضر سنه تغسیل ایدوب تدفین ایدن
.
.
گر شهادت باده سین ایچدیردی اهل کین سنه
اسمدی باد جفا گلشنده سرو و سوسنه
ور صبا ئیله خبر معصومه یاس دوتسون سنه
ای ویرن غربتده جان گر قلبون اولدی داغلار
اولمادی جدون حسین تک گل وجودین زخمدار
.
.
وردیلر آیا امان زینب حسینه آغلاسون
ماتمونده ایتسون افغان یا که سینه داغلاسون
یا گلوب قارداشینون سانسیز یاراسین باغلاسون
گیدی قارداشدا نصورا زینب اسارت جامه سین
ایلدی دشمن بوتون غارت اونوم پیرایه سین
.
.
من شهابم دوشموشم در گاهوه مولا دخیل
شاعر ناقابلم ایتمه قاپوندا سن ذلیل
قیل شفاعت حشرده ای برج حقده بی بدیل
محنتون نظمه چکنده ایتمیشم آه و فغان
شاهدیمدور عرضیمه مولا خدای لامکان
.
.
#رضویه_مدح
#ای_رضا_ای_کوکب_رخشان_سلام_اولسون_سنه
#ترکی
.
✍️ #زبدةالاشعار ✍️
.
🆔: @nohe_torki
نظر دهید