ای رهبر مظلومان زهرانی حلال ایله #فاطمیه_علیوی

شهادت حضرت زهرا (س)
.
.
#سبک_آتدان_یره_چون_دوشدی … #سبک_یاران_چه_غریبانه
.
.
عُلیوی
.
.
ای رهبر مظلومان زهرانی حلال ایله
درگاهی یانان سلطان زهرانی حلال ایله
.
.
مدتدی که سایونده مولا دولانیردوم من
گوردوگجه یانان حالون واللهی یانیردوم من
بسترده یاتان گون نن سن نن اوتانیردوم من
قربان سنه مولاجان زهرانی حلال ایله
.
.
الله ئوزی شاهددی حقیم نجه غصب اولدی
اوت دوتدی قاپوم یاندی توستی ائویمه دولدی
وحشت یارانوب ائوده گول تک بالالار سولدی
ظلمیله قوپوب طوفان زهرانی حلال ایله
.
.
کوسمه آقاجان من نن واللهی علاجیم یوخ
سن نن صورا ظلمانی عالمده سراجیم یوخ
دنیادن آتام گتمیش،قارداش،آنا،باجیم یوخ
سن سن کمکیم هرآن زهرانی حلال ایله
.
.
تپراقه قویان لحظه بو پیکر بیماری
دوتماز الیوی بیر کس ای دینون علمداری
بیر قارداشیم اولسیدی ایلردی سنه یاری
تک قویدی بیزی دوران زهرانی حلال ایله
.
.
مندن نگران اولما من مادره مهمانم
مریم یولومی گوزلور هم هاجره مهمانم
فرقت یتیشور باشه پیغمبره مهمانم
جانیم جانیوا قربان زهرانی حلال ایله
.
.
قاز قبریمی گیزلینجک دفن ایله گجه یاری
تشییعیمه مولاجان جمع ایلمه اغیاری
قوی بوذریلن سلمان ائتسونله سنه یاری
باشلاندی شب هجران زهرانی حلال ایله
.
.
عالمده داخی خیر نسوانی گورنمزسوز
عرشه اوجالان نور تابانی گورنمزسوز
آخر گوروشیمدور دای زهرانی گورنمزسوز
باشه یتیشوب پیمان زهرانی حلال ایله
.
.
آیدان گوزلم گرچه گولدن ده تمیزم من
شانیمده گلوب کوثر معناده عزیزم من
دنیایه عزیز اولسام مولایه کنیزم من
خدمتده واریم نقصان زهرانی حلال ایله
.
.
سن قدرتیوی مولا خیبرده نشان وئردون
بیر ضربتیلن کل کفاره تکان وئردون
اسلامه گوره ایندی اشراره امان وئردون
سن سن شرف ایمان زهرانی حلال ایله
.
.
.
#فاطمیه_شهادت
#ای_رهبر_مظلومان_زهرانی_حلال_ایله
#ترکی
.
✍️ #زبدةالاشعار ✍️
.
🆔: @nohe_torki