غزل
.
✍️ #زبدةالاشعار ✍️
.
🆔: @nohe_torki
.
سید عظیم شیروانی
.
ای ساقی گل چهره! ماه #رمضان اولدو،
گلزار رخ دلبر ضعف ایله خزان اولدو
.
دلدار توتوب روزه، ضعف اولدو اونا غالب،
سان یئتگی چخان آیدیر، چرخ أوزره عیان اولدو
.
قاچمیش او گولِ آلین ، لعل لبینین قانی
باغریم دوتولوب غمدن، غنچه کیمی قان اولدو
.
آشفته اولوب کاکل ابروی کجین دوتدو،
ماهیدی بو عید ایچون ابر ایچره نهان اولدو
.
آچیلدی در مسجد، جمع اولدو ریا اهلی،
باغلاندی سر مینا، غمدن خفقان اولدو
.
نیّت گئجه سی وئردیم ایمانی، شراب آلدیم،
سود اولدو بو سِئودادا، زاهد! نه زیان اولدو؟
.
تا حبّ علیدن مِی سیّد کیمی نوش ائتدیم،
سرمستلیگیم ساقی، مشهور جهان اولدو
.
#رمضانیه
#غزل
#ای_ساقی_گلچهره_ماه_رمضان_اولدو
#ترکی
.
✍️ #زبدةالاشعار ✍️
.
🆔: @nohe_torki
نظر دهید