زبدةالاشعار

ای سالان کرب و بلا ایچره منی یاده حبیب #نادری

حبیب ابن مظاهر
.
✍️ زبدة الاشعار ✍️

?: @nohe_torki
.
مرحوم نادری میانجی
.
ای سالان کرب و بلا ایچره منی یاده حبیب
خوش گلوبسن منه بو دشتده امداده حبیب
.
.
انتظاریم بوئیدی سن منه مهمان اولاسان
ئوز ایاقونلا گلوب امته قربان اولاسان
یا که قبریمده منیم قاریِ قرآن اولاسان
سن گلوب عترت طاهانی بو گون یاد ائلدون
کربلاده بو سنق قلبیمی سن شاد ائلدون
.
.
ای اولان سنده منیم تک بو بیاباندا غریب
غملو صحراده سن اولدون دل بریانه طبیب
یادگاری سنیدون جدّیمه دنیاده حبیب
مرحبا یاخشی زمانیمده کمک گلدون عجب
باسیلان لشگریمه قوت قلب اولدون عجب
.
.
سن منیم جدیمه اصحاب وفا پروریدون
دوستدارِ شهِ دین جدیم او پیغمبریدون
شیعۀ خالص سلطان امم حیدریدون
ایندیده پرچم اسلامه نگهدار اولوسان
قوجا وقتینده گلوبسن منه غمخوار اولاسان
.
.
خوش گلوبسن بو بلا دشتینه ای اهل صفا
سرور اهل وفا سن سن ایا کان وفا
اهل بیتیم ائشیدوب گلمگیوی ائتدی دعا
قویمادون دشمن ایچینده منی بی یار قالام
اودی که زینب کبرا سنه گوندردی سلام
.
.
بویوران وقته بو فرمایشی اول شاه غریب
آتوب عمامه نی باشدان یره اودلاندی حبیب
یوز دوتوب حضرته عرض ایلدی اول مرد نجیب
کاش ئولیدوم من ایا پادشه یوم نشور
گورمییدوم سنی بو حاله سالوب قوم شرور
.
.
اولا بو ابن زیادین یوزی محشرده قرا
من هارا حضرت زهرا قزی صدّیقه هارا
من غلامم اولارا اونلار عزیزِ دوسرا
ناروادور بو سوز عالمده امام اوغلی امام
ائده خاتون قیامت قزی بیر عبده سلام
.
.
آدیم اولموش بئله درگاهه غلام اوغلی غلام
منده یوخ فضل و لیاقت بو ادب ختم کلام
ایندی حیدر قزی زینب منه گوندرسه سلام
آغلارام داد ائدرم باشیمه دنیا یخلار
چونکه پیغمبر ائشیتسه بونی قلبی سخلار
.
.
بارالهی بو نه گوندور گورورم قوم جفنگ
ایلیوب عصرین امامینه بولار عرصه نی تنگ
نه روا آل رسولیله ائده امتی جنگ
هاردا بو رسمیدی مهمانلاری عطشان قویالار
آل پیغمبری آواره پریشان قویالار
.
.
گلمیشم محضریوه تا ائدم اثبات وفا
قوجا وقتیمده جوانلار گله دعوامه باخا
من دوشم یاره لی میداندا قزل قانیم آخا
قوجا بیر نوکریوم لطف و کرم ایلیه سن
گله سن باشیمون اوسته منه احسن دیه سن
.
.
دئمرم اهل حرم سینه آچوب داغلاماسون
دیورم نوکر ئولن وقته عزا ساخلاماسون
نعشیمون اوسته گلوب زینب ئوزی آغلاماسون
امر ائده حضرت زینب منی گر دوتسا عزیز
قوجا مهمانه گلوب آغلیا بیر دسته کنیز
.
.
«نادری» یاز کیم اولاردی بئله بیر شخصه حریف
ئوزی پیر اولسا ئورک شیریدی بو مرد شریف
آخرین عرضی امامه بودی اول جمله ظریف :
«آستانونده منی امر ائده سن دفن ائده لر»
«تا که زوار گلوب سینه مون اوستن گئده لر»
.
.
#سبک_یارالی_جان_یارالی (بیش از 4 سبک شامل سبکهای کربلا منتظر ماست … شهریاریمسن آقا …. )
.
#حبیب_ابن_مظاهر #اصحاب_الحسین
#ای_سالان_کرب_و_بلا_ایچره_منی_یاده_حبیب
#نادری
#ترکی
.
✍️ #زبدةالاشعار ✍️

متن پیشنهادی:  شکر اولا کردگار زهرایه #فاطمیه_واصف_مرندی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی