#یا_جواد_الائمه_ادرکنی
.
.
.
حسن نجفلو
.
.
ای سخاوتده شاه نام آور
یا جوادالائمه ادرکنی
قالمیشام بی پناه و بی یاور
یا جوادالائمه ادرکنی
درده درمان آدون، بودور باور
یا جوادالائمه ادرکنی
سنه عزت عطا ایدیب داور
یا جوادالائمه ادرکنی
.
.
سن طفولییتونده رهبرسن
من کیمم شاه طوسه دلبرسن
باغ طاهاده مشک و عنبرسن
فاطمه گلشنینده نوبرسن
آزدی سنّون نسبده اکبرسن
زینت مسجدیله منبرسن
چون تمام علومی ازبرسن
یا جوادالائمه ادرکنی
.
.
هرکه نور تو دید کور نشد
از در اهل بیت دور نشد
بنده عیش و زرّ و زور نشد
بی عمل رهسپار گور نشد
قبر او پر زمار و مور نشد
جسدش بهر مور سور نشد
روز محشر یقین که عور نشد
یا جوادالائمه ادرکنی
.
.
نسل پاک رضا و طاهرسن
هرنه عالمده فنّه ماهرسن
درّ و یاقوت سن جواهرسن
علمیده باطنیله ظاهرسن
درس و بحث اولسا خصمه قاهرسن
هرنه گویچکلیگه مظاهرسن
شهریده شهره مشاهرسن
یا جوادالائمه ادرکنی
.
.
بیرگونی بحثه دعوت اولدی امام
اهل شهره خبر ویروبدی غلام
جمع اولوبدور سخنوران بنام
شخص یحیی ایدوب بو امره قیام
یتیشوب حاکمه بونوعی پیام
دئدیلر امر شیعه اولدی تمام
تیغ علمین چکیب اوبد فرجام
یا جوادالائمه ادرکنی
.
.
دئدی مأمون، بودور ابوجعفر
علم و تقواده هامیدان برتر
ایکی عالمده سرور و مهتر
بونا تزویج ایلورم دختر
ام فضله بودور گوزل همسر
فکر ایدورسن بو امری گر ابتر
طرح بحث ائت بو سن او بوجعفر
یا جوادالائمه ادرکنی
.
.
یوز امامه دوتوب دئدی قاضی
من مگر کودکم ندور بازی
عارفم نحوه، واژه پردازی
فعل امر و مضارع و ماضی
سئورم بحثیده سرافرازی
منده یوخ نیت براندازی
مستند وئر جواب اولام راضی
یا جوادالائمه ادرکنی
.
.
بیر طرفده دوروب وزیر و امیر
باشلانیبدور مناظرات کثیر
بحث احکام و اعتقاد و ضمیر
ائله بیر بحثه گلمیوبدی نظیر
بحث آسان دگولدی اولدی خطیر
دقتیلن باخور کبیرو صغیر
سویلدی بیرجه شخص پاک ضمیر
یا جوادالائمه ادرکنی
.
.
دئمه یحیی بن اکثم اولموش پیر
علمی چوخدور بیان ائدور تفسیر
اونی مامون،ایلیوبدی اجیر
اولاجاق غالب اولسا شاهه وزیر
آلاجاقدور مدال و شال حریر
عاجز اولدی جوابدن اوحقیر
اوجا صوتیله سسلنوبدی امیر
یا جوادالائمه ادرکنی
.
.
شرح ائدیب مطلبی امام دلیر
دشمن دینی ائتدی پست و حقیر
بعضی بو امریدن اولوبدی بصیر
بعضی اما هوای نفسه اسیر
اویانار روشن اولسا کیمده ضمیر
سوسوز اولماز یاغیش یاغاندا کویر
بو نِدا تا قیامت اولدی شهیر
یا جوادالائمه ادرکنی
.
.
الغرض مطلبی ائدیب تفسیر
حکمدن آیری حکم ائدیب تکثیر
یوخ جوابینده ذره ای تاخیر
نامسلمانلاری ائدیب تکفیر
آیری مذهبلری ائدیب تصغیر
کاتب سلطنت یازیب تقریر
سویلیوب ذهنی کیم تاپوب تنویر
یا جوادالائمه ادرکنی
.
.
سوزی کاتب بونوع ائدیب تحریر
گرک اولسون جوادیدن تقدیر
نجه بیر کودک ایلیوب تدبیر
علمای کبار اولوب تحقیر
ابن اکثم اولوب سو تک تبخیر
ائله بیل گردنین سیخیب زنجیر
اوجالیب سس دیوب هامی تکبیر
یا جوادالائمه ادرکنی
.
.
الغرض حضرت امام جواد
علوی سیره فاطمیه نهاد
ائلیوب علم و دانشیله جهاد
شیعیه هر زمان ائدیب امداد
تانور الان اونی تمام بلاد
چکوب آغوشه جسمینی بغداد
دیله گل سنده ایله استمداد
یا جوادالائمه ادرکنی
.
.
معتصم ام فضلی دعوت ائدیب
بی حیا بی شرفله خلوت ائدیب
سوز آچیب بحث ملک و ثروت ائدیب
سلطنت بحثی، زور وقدرت ائدیب
قتل ابن الرضایه همت ائدیب
حکمینون اوسته بس که شدت ائدیب
مهرو امضا او بی مروت ائدیب
یا جوادالائمه ادرکنی
.
.
حاکمه حکمینه قضاوته باخ
دشمن دینیده عداوته باخ
ئورگی قاره داش ، قساوته باخ
زهری آلدی اله شقاوته باخ
توکوب انگوره سن ذکاوته باخ
دئدی انگوریده حلاوته باخ
صوت انگور باطراوته باخ
یا جوادالائمه ادرکنی
.
.
بیر نچه دانه زهردار انگور
میل ایدوبدور امام ، دل رنجور
ارییب شمع تک اولوب کم نور
اوجالیب صوت ناله شیون و شور
بی حیا ام فضل ، اول مزدور
ائلیوب حجره دن کنیزلری دور
ایکی عالمده سسلنوبدور حور
یا جوادالائمه ادرکنی
.
.
یوز بقیعه دولاندیریبدی امام
ننه سین داده سسلیوبدی مدام
روح زهرایه عرض ائدیبدی سلام
او سلامی اولوبدی ختم کلام
یومولوب گوزلری امام همام
نعشی بام اوسته ایلیوبدی مُقام
قوشلار آوازیله ائدیب اعلام
یا جوادالائمه ادرکنی
.
.
ای نجفلو مطول اولدی سوزون
اهل مجلس یورولاسا گتمه اوزون(1)
بیلورم لطف شهده واردی گوزون
سوزلرین انتخاب ایله دوزون(2)
حشره تا آغ گله بوقاره یوزون
ختم مطلب سوزون اونوتما دوزون(3)
اعتقادیله سسله ایندی ئوزون
یا جوادالائمه ادرکنی
.
.
یا جوادالائمه ادرکنی
مِن علومِ الکتابِ عَلّمنی
بِالجوار الهداة قَرّبنی
من سِیاطِ العَذابِ اَبعِدنی
والثیابَ الکرام اَلبسنی
بِالکرامِ الجواد اَکرِمنی
بِالهداة التقاة اَنطِقنی
یا جوادَالائمه اَدرِکنی
.
.
(1)اوزون(طولانی)
(2)دوزون(سخن راست)
(3)دوزون(نمک)
.
.
#جوادیه_مدح
#حسن_نجفلو
#ای_سخاوتده_شاه_نام_آور
#ترکی #جوادیه
#زبدةالاشعار
نظر دهید