در سوگ سردار دلها
شهید حاج قاسم سلیمانی
.
✍️ زبدة الاشعار ✍️
.
🆔: @nohe_torki
.
واصف مرندی
.
ای سلیمانی سنین احسن یازیلدی آدیوه
همت و حریت و افکار و استعدادیوه
.
سن نه ایران و نه کرمان و نه ایلام اوغلوسان
سن تشیّع زاده سن قرآن و اسلام اوغلوسان
.
قیرخ ایلی رزمی لباسین قامتیندن سویمادین
بیر قدم خطّ شهادتدن کناره قویمادین
.
بولمورم بوعصریده کیم کاملاً بنزر سنه
اهل دل اما دئیوللر مالک اشتر سنه
.
سن بساط ظلم استکباری برهم ویرمیسان
قلّه ی ایثار و حرّیّتده پرچم ویرمیسان
.
یاوه گولر آغزینا مین مشت محکم ویرمیسان
دشمنین دنیاسینی هم یاندیریب هم ویرمیسان
.
نسل آینده باخار تاریخیده آثاریوه
احسن احسنلر دیر حرّیّت و ایثاریوه
.
وار یری رهبر دییه سن واقعاً حساسیدین
قاسمیدین جایگاهینده منه عباسیدین
.
ساده پالتارلاریلان بیر عمری خدمت ایلدین
بولمورم اما اورکدن بیزلریلن نیلدین
.
صحبتین دوشجاق آخیر اخلاصیلن گوز یاشیمیز
گوئیا الدن گئدیب بیر قهرمان قارداشیمیز
.
خیمۀ دینه ستون اولدی او رعنا هیکلین
آیری بیر سوزلر دئدی اما او قطع اولموش الین
.
جبهه لردن یورقونویدون جان وئریب دینجلمیسن
کاش الین بیزده ئوپیدیق کربلادن گلمیسن
.
گورمییبدور سابانلار اول عقیق انگشترین
بارماقین حتماً کسیب آغلار قویاردی خواهرین
.
جان وئرنده هرشهیدین باشی تنده اولماسا
دوره سینده باجیسی قان آغلییب باش یولماسا
.
عرشیده فوج ملائک گوز یاشین آغلار الر
باشی اوسته اعتقادیم وار خانم زهرا گلر
.
.
#قاسم_سلیمانی_واصف_مرندی
#ای_سلیمانی_سنین_احسن_یازیلدی_آدیوه #انتقام_سخت
#ترکی
.
✍️ #زبدةالاشعار ✍️
.
🆔: @nohe_torki
نظر دهید