زبدةالاشعار

ای سپهر عزتین عز و جاهی یا علی #فاطمیه_نادری

زبانحال حضرت زهرا (س)
.
.
.
#سبک_مسلمون_شهادتی ( 5 سبک سینه زنی و زنجیر )
.
.
مرحوم قدرت اله نادری میانجی
.
ای سپهر عزّتین
عزّ و جاهی یا علی
عالم دیانتین
شاهراهی یا علی
.
.
مظهر وفا اولان محفل وفایه گل
آخرین وداعدور عالم نوایه گل
جان وئرور عمون قیزی دورما تئز هرایه گل
فاطمه سالوب گوگه سوز آهی یا علی
.
.
بیله مصلحت بیلوب حیّ کردگار ئوزی
ایستوری افول ائده چون رسالت اولدوزی
گل وداع ائدور سنی ختم انبیا قزی
هر ایکی زمانه نون پادشاهی یا علی
.
.
دوقوز ایل بو ائوده من همدم اولموشام سنه
امر حقّ شرعده محرم اولموشام سنه
یوز وئرنده درد و غم هم غم اولموشام سنه
ائتمیش اولسام عفو قیل اشتباهی یا علی
.
.
حقّیوی حلال ایله سندن آیریلور بتول
قویما چوخ حسن حسین قلبدن اولا ملول
جان یتیم بالالارون جان سنون مواظب اول
ای یتیم اوشاقلارون دادخواهی یا علی
.
.
درک ائدور اجل منی دلده مطلبیم قالور
من مسافرم ولی ائوده نائبیم قالور
فاطمه گئدور اگر داغلی زینبیم قالور
مهربان آنا کیمی ائت نگاه یا علی
.
.
کان عصمتم ئوزوم دهرده حیالیام
عرض ائدنمرم سنه چوخ باشی بلالیام
سنمیوب فقط قولوم قلبدن یارالیام
تار ائدر منیم غمیم مهر و ماهی یا علی
.
.
من بو دودمانیوه گلدوم اشتیاقیلن
عیشمی بهم ووروب ثانی چوخ نفاقیلن
هاردا بیر جوان آنا دورت کیچیک اوشاقیلن
شام اولوب منیم کیمی صبحگاهی یا علی
.
.
هاردا بیر بیله ستم گورسنوب زمانه ده
خیبری یخان قولی باغلاسونلا خانه ده
هانسی بیر ولیِّ دین اود دوتوب زبانه ده
اودلانوب سنون کیمی بارگاهی یا علی
.
.
اینجیدوب بولار منی قلبیمی سخا سخا
گوز یاشی بالالاریم گول یوزه آخا آخا
وورسالار بیر عورتی صاحبی باخا باخا
کیم اولار او عورتین بس پناهی یا علی؟
.
.
من وصیت ایلرم سن امام ذوالمنه
زحمتی قبول ائدوب غسل وئر ئوزون منه
وئرمه قبریمی نشان بیرده یاغی دشمنه
قویماسان نمازیمه روسیاهی یا علی
.
.
واردی مدرکیم منیم محضر عدالته
محسنیم گواهیدور اولدوقی جنایته
ال آچام جزا گونی قومدن شکایته
اوندا آغلادام گرک دادگاهی یا علی
.
.
غاصبیله من داخی آشتی ائدنمرم
من شکسته قلبیمی بیرده اینجیدنمرم
من بابام حضورینه یاره لی گئدنمرم
نیلگون اولوب بدن وار سیاهی یا علی
.
.
نور چشمدوم اگر شاه قل کفایه من
دوزموشم آز عمریده چوخلی بیر جفایه من
لیک سندن ائتمرم یا علی گلایه من
سنسن آخر امتین خیرخواهی یا علی
.
.
«نادری» دخیل اولوب درگه رسالته
اشک چشمیلن یازور نامه اهل عصمته
احتیاجی وار اونون چون شه ولایته
حشرده شفاعت ائت وار گناهی یا علی
.
.
.
#فاطمیه_شهادت
#ای_سپهر_عزتین_عز_و_جاهی_یاعلی
#نادری #فاطمیه
#ترکی
#زبدةالاشعار

متن پیشنهادی:  ذکر_مصیبت_معصوم_نهم 06 #کاظمیه_متن_روضه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی