ای شام زلف زینبه باخدین اوتانمادین #خرابه_شام #عاجز_سرابی

خرابه شام
.
✍️ #زبدةالاشعار ✍️
.
🆔: @nohe_torki
.
مرحوم محمد خليفه عاجز گرمه رودی(عاجز سرابی)
.
ای شام زلف زینبه باخدین اوتانمادین
وی شمع سن سکینیه باخدیقجا یانمادین؟
.
ای صبح خواب غفلته اویدون صباحا دین
چکدی فغان و ناله سکینه اویانمادین
.
ای گون دوشنده یئر یوزونه نور مشرقین
باتدین گئنه طلوع ائله دین، هئچ اوتانمادین
.
آخدین سرشک دیده ی زینب کیمی فرات
گویا سکینه تشنه لیگینه اینانمادین
.
آلدی قوجاغا اصغری سلطان کربلا
ای ناوک بلا نییه بیر دم دایانمادین
.
مونجا جفا و جور ائله دین آل حیدره
ای بیوفا، سپهر جفادان اوسانمادین
.
دلسوز شمع ماتم اولوب باشا کول سپیب
پروانه وار بزم عزادا دولانمادین
.
گوزدن سرشک توکمه دین عاجز فغانیلن
روز جزادا اوزووه بیر گون قازانمادین
.
.
.
.
#خرابه_شام #عاجز_سرابی
#ای_شام_زلف_زینبه_باخدین_اوتانمادین
#ترکی
.
✍️ #زبدةالاشعار ✍️
.
🆔: @nohe_torki