توقع عزاداران از دربار ابی عبدالله
.
.
.
مرحوم یحیوی اردبیلی
.
.
ای شاه تشنه درگهوه بنده گلمیشم
بوشدور الیم خجالت و شرمنده گلمیشم
بیر دردمند نوکروم مطلب آلماقا
عالم گلور سنون قاپووا منده گلمیشم
.
.
مسکین لره بو رسمدی لطف ایلر اغنیا
بیر مستحق سائلووم یابن مرتضی
گوردوم که فیض خرمنیدور مجلس عزا
قسمت آلام بو موسم خرمنده گلمیشم
.
.
وئرّم قسم سنی أو باجون زینبه آقا
حضّارون حاجتیله ائله حاجتیم روا
خوشحال قیل بیزی الی بوش سالما سن یولا
مأیوس ائتمه سلسله گردنده گلمیشم
.
.
ماه محرم اولدوقینا گیمیشم قرا
نوحه دیوب مصیبتوه ایلرم نوا
بیر عده شخص مندن ائدوب خواهش دعا
عرض دعایه بنده نماینده گلمیشم
.
.
الله قاپوسیدور قاپون ای جلوه ی خدا
سنلن دعا اجابت ائدر ذات کبریا
قویدوم در مبارکوه روی التجا
مثل اینکه باب قدس خداونده گلمیشم
.
.
گرداب غمده غرقم ایا شاه کربلا
زنجیر عشقوه اوزیمی سالمیشام آقا
غملر الیندن ایلمگه جانیمی رها
بو آستان پاکه پناهنده گلمیشم
.
.
#گریز #شام_غریبان
.
وئرّم قسم رقیّه نون أول وقتینه آقا
گلدی یخلدی سینوون اوسته دئدی بابا
چک باشیمه الون ألیوه گوزلریم فدا
سیل زلفیمی که زلفی پراکنده گلمیشم
.
.
فکر ایلدیم گئدوم بو گئجه عالمی هارا
گزدیم بو چولده تاپدوم عجب باغ باصفا
أی باغبان یاتوبسان اولوب گلشنون فنا
بیر بلبلم گلم دیله گلشنده گلمیشم
.
.
من شمری قویموشام یوخیدا دوشمیشم یولا
قورخدوم گله دالیمجا باخوردوم صاقا صولا
بارماقلاریم توخاندی مغیلاندا کی کولا
دوردیم یخلدیم ئولمه میشم زنده گلمیشم
.
.
اود ووردولار گونوز ائویمیز یاندی ای بابا
اودلاندی دامنیم چوله قاچدیم یانا یانا
سوندوردی بیر عرب اوتی ائتدیم اونی دعا
گوسترمگه یانان یری دامنده گلمیشم
.
.
گوندوز ووروب سویوب منی بو چولده اشقیا
چوخ اینجیوب یورولمیشام ای شاه نینوا
نصفی یانان چادردا یاتا بیلمدیم بابا
راحت یاتام بو محضر ایمنده گلمیشم
.
.
بخوانید : #ای_شاه_کربلا_قاپوا_بنده_گلمیشم
.
#حسینیه #یحیوی_اردبیلی
#ورود_محرم #شام_غریبان
#ای_شاه_تشنه_درگهوه_بنده_گلمیشم
#ترکی #پرچم_عزا
#ترکی
#زبدةالاشعار
نظر دهید