زبانحال حضرت زهرا(س)
.
✍️ #زبدةالاشعار ✍️
.
🆔: @nohe_torki
.
رضوی زنجانی
.
ای شاه مردان جلوه ی جانان عم اوغلی
گل جان ویرور زهرا اوخی قرآن عم اوغلی
اوغلوم حسیندن چوخ ناگرانم
زینب غمینده من باغریقانم
.
.
جدّیم رسول اکرمه نور دو عینم
مشتاق دیدار او فخر عالمینم
آماج تیر غصه ی اوغلوم حسینم
دریا یانیندا جان ویرر عطشان عم اوغلی
اوغلوم حسیندن …
.
.
جدّیم پیمبردن صورا القاندى قلبیم
دریای درد و محنت و هجراندی قلبیم
قالدین کمکسیز ای شها اودلاندی قلبیم
سندن بو امت سیندیروب پیمان عم اوغلی
اوغلوم حسیندن …
.
.
ساخلامیوبلار جدّیمه بیر ذرّه حرمت
جبریل اؤپن درگاهیمه اود وردی أمّت
بو دهریدن زهرا گیدور سن سر سلامت
هجریمده صبر ائت ای شه خوبان عم اوغلی
اوغلوم حسیندن …
.
.
بیر عدّه درگاهه گلوب دیوانه مثلی
اود وردیلار یاندی قاپوی بیگانه مثلی
سولدوم بو غمده من سولان ریحانه مثلی
شیرازه لندی غصّه لی دیوان عم اوغلی
اوغلوم حسیندن …
.
.
ویر غسلومی گیزلین منیم ای یار زهرا
گیزلینجه کفن و دفن ایله غمخوار زهرا
قوى قبره گیزلین دفن اولا اسرار زهرا
حتى مزاریمده اولا پنهان عم اوغلی
اوغلوم حسیندن …
.
.
نظم جهان برهم اولار مهر و فلکسیز
گیتدى فدک هیچ یانمادیم قالدیق فدکسیز
یاندیم ولی قالدون عم اوغلی سن کمکسیز
تک قالماقون دلده سالوب طوفان عم اوغلی
اوغلوم حسیندن …
.
.
بیر خواهشیم وار سندن ای خورشید رحمت
گر چه سنه بو فعلیده وار چوخلی زحمت
دفن ایلدون تئز گیتمه ای کان کرامت
اگلش بیر آز اولسا اگر امکان عم اوغلی
اوغلوم حسیندن …
.
.
محسن ئولن گوندن دوشوب روحیم فشاره
قونمور قوشوم بو یثربه بو روزگاره
کوچ ایلورم دلده غمیم باشیمده قاره
صبر ائت غمیمده ایلمه افغان عم اوغلی
اوغلوم حسیندن …
.
.
من اینجیدیم بو روزگارین سرد الیندن
سینه م منیم تنگه گلوبدی درد الیندن
ناراضیم بو مردم نامرد الیندن
تپراقدا ایله جسمیمی کتمان عم اوغلی
اوغلوم حسیندن …
.
.
.
.
#فاطمیه_رضوی_زنجانی
#فاطمیه_شهادت
#ای_شاه_مردان_جلوه_جانان_عم_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید