زبانحال امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار
#سبک_آتدان_یره_چون_دوشدی (با واگیر )
.
مرحوم یحیوی اردبیلی
.
ای شاه پریم قارداش محکم سپریم قارداش
سن یاتدون علم یاتدی سیندی کمریم قارداش
(( یاتما دورسسیمه وئر سس ابوالفضل
قالموشام بوچولده بی کس ابوالفضل ))
.
.
معروف حیا سنسن مشهور وفا سنسن
سرلوح شهیداندا منظور خدا سنسن
آرام دل زینب شمع شهدا سنسن
ای برج فتوّت ده کامل قمریم قارداش
.
.
ای شیر خدا صولت فوج غمه سرکرده
سندن صورا بو چولده قالدی یاخام اللرده
یالوارمارام ئولسمده بو فرقه ی نامرده
ابراز شهامتدور ارث پدریم قارداش
.
.
سرداری ئولن گوندن اولماز شهه بدتر گون
اوچ گوندو من عطشانم آرتار عطشیم هر گون
چیخدی عطشیم یاددان یاندیردی منی مرگون
یانمیشدی گینه یاندی یاندی جگریم قارداش
.
.
قانیله بو گون یئتدی پیمان میز امضایه
فرمان خداوندی قویدون عجب اجرایه
سن مایه ی فخر اولدون محشر گونی زهرایه
راحت اولاجاق سنله چون شیعه لریم قارداش
.
.
مقتول اولام آز قالدى قاتل ائوی برباده
گللم یانووا منده وار فاصله اثناده
اول منتظر اول ساعت دیداریمه معناده
اولدی سنه چون ملحق بیر صود امریم قارداش
.
.
افسوس هزار افسوس بو قامت رعنایه
بوقامت رعنایه بازوی توانایه
قولسوز نئجه دوشدون سن ایوای بو مأوایه
اثبات هنر قیلدون صاحب هنریم قارداش
.
.
یاروندان آخان قانلار قلبیمدن اولور جاری
ایندی گورونور منده اوز قتلیمون آثاری
اول وقتده شاه ئولدی یخدیلار علمداری
باهم یازیلوب سنله عقبا سفریم قارداش
.
.
گوررم ایکی قوللارون سو اوسته جدا دوشموش
بیر یاندا قوری مشگون بیر یاندا لوا دوشموش
باشدان کُلَهون الدن شمشیرون هارا دوشموش
کیم ییخدی سنی آتدان آیا دئ گوروم قارداش
.
.
جسمونده یارا گرچه بی حد و نهایتدور
شأنون اوجادور سنده بو قدری جراحتدور
چوخ دگسه یارا مرده آثار شجاعتدور
سطوتده شجاعتده حیدر اثریم قارداش
.
.
باجیم حرمیم گوزلر ایندی یولووی از بس
نه عذر آپاروم آیا اخیامه من بی کس
گئتسه بیر ایاقیم گر گئتمز بیر ایاقیم بس
بو کلمیه شاهد دور بو اشگ تریم قارداش
.
.
تجدید کلام ایلر هر دم یئنی بیر رسمه
مردم ائلیور ناله بیزدن اوخونان اسمه
وئر یحیویه انعام اوندان نظرون کسمه
واردور اونون اوستونده دائم نظریم قارداش
.
.
.
#عباسیه_شهادت
#ای_شاه_پریم_قارداش_محکم_سپریم_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید