حالات حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
جواد حسینی
.
ای شب چراغ آسمان
یافاطمه یافاطمه
ای قدری تک قبری نهان
یافاطمه یافاطمه
.
.
ای گلسِتان خلقتون
خوش رنگ و بو زیبا گلی
باغ حیا و عصمتون
شانلی صفالی سنبلی
محبوبه حیّ ازل
پروردگارون سویگلی
ای طایر عرش آشیان
یا فاطمه یا فاطمه
.
.
.
ای گوهر پر قیمتِ
کنز خدای ذوالمنن
سنسن او گوهر که اونا
کون و مکان اولماز ثمن
خورشید و ماه و انجمُ
جنّات و فردوس عدن
یکسر زمین و آسمان
یا فاطمه یا فاطمه
.
.
.
ای بضعه ی قلب نبی
گنج حیا دردانه سی
گلزار سبز خاتمون
سنسن گوزل ریحانه سی
روشندی سنله هم علی
هم مصطفا کاشانه سی
طاهایه ای روح و روان
یا فاطمه یا فاطمه
.
.
.
ای کعبه ی صدق و صفا
وی قلبیمه مهر ادب
سنسن او بانو ، که اونا
الله ویروب زهرا لقب
ئوپموش الون اون سگیّزایل
پیغمبر عالی نسب
پیرایه ی باغ جنان
یا فاطمه یا فاطمه
.
.
.
سنسن یگانه وارث و
دلبند ختم المرسلین
امّ الائمّه همسر
مولا امیر المومنین
مام حسینیله حسن
فخر النساء العالمین
مومنلره کهف الامان
یا فاطمه یا فاطمه
.
.
.
ای محرم شایسته ی
اسرار علم کبریا
امّ ابیها دخترِ
وارسته ی خیر الورا
حیران قالوب اعزازیوه
یکسر یُرا ما لا یُرا
عاجزدی وصفوندن زبان
یا فاطمه یا فاطمه
.
.
.
شوقیله خاک درگهون
شام و سحر حورا ئوپر
مریم آچار سجّاده وی
گردین سیلوب سارا ئوپر
بیت خدا تک شوط ایدوب
محرابوی لعیا ئوپر
ای افتخار بانوان
یا فاطمه یا فاطمه
.
.
.
بو شوکت و اجلالیله
افسوس عمرون اولدی کم
زلفون آغاردی قامتون
خم اولدی چکدون بسکه غم
حفظ ایتمیوبدی حرمتون
آیا ندن قوم ظلم
اشکون یوزه اولدی روان
یا فاطمه یا فاطمه
.
.
.
غصب ایلیوبلر حقّوی
درگاهوی یاندیدیلار
آئینه ی وجه الّلهه
ظلمیله سیلی وردیلار
دست جفائیله وروب
قمچی قولون سندیردیلار
گلزار دین اولدی خزان
یا فاطمه یا فاطمه
.
.
.
صد حیف قدرون فاطمه
دنیاده معلوم اولمادی
هیچ کیم سنون تک دهریده
والّهی مغموم اولمادی
بیر کس جهاندا سن کیمی
آخرده مظلوم اولمادی
قلبین ایدوبدی غصّه قان
یا فاطمه یا فاطمه
.
.
.
آخر فلک بو محنتِ
عظما هارا زهرا هارا
ثانیّ بی پروا هارا
صدّیقه ی کبرا هارا
قنفذ ایدن ایذا هارا
انسیّه ی حورا هارا
آغلار غمونده قدسیان
یا فاطمه یا فاطمه
.
.
.
ایسته «حسینینی» ، خانم
اوغلون نظردن سالماسین
آمالینون مرآتینی
سنگ عتابه چالماسین
مهر و کرمله ویردیگون
قهریله اوندان آلماسین
ای قالب بی روحه جان
یا فاطمه یا فاطمه
.
.
.
#سبک_ای_شاه_مظلومان_حسین ( 5 سبک سینه و زنجیر)
.
.
#فاطمیه_مدح
#فاطمیه_شهادت
#ای_شب_چراغ_آسمان
#حسینی_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید