در وصف مشهدالرّضا
.
✍️ زبدة الاشعار ✍️
?: @nohe_torki
.
مرحوم عابد تبریزی
.
ای شرفده عرشه تالی منزلتده طور ایمن
رشک خلدسن که اولدون شهریار طوسه مدفن
.
آبروی کون سن زبس واردی اعتلا سنده
کعبۀ مرادسن یاتوب حضرت رضا سنده
.
حول کعبۀ جوارون طوف ایدنلری ملائک
قدس ساحت دیارون وجه وجهۀ ممالک
شاهراه رحمتونده رهروان عشق، سالک
طالبان امنه کویون ملجاء و ملاذ و مامن
.
توپراقون اولوب ازلده آب فیضیله سرشته
سنده لطف جان ویروبدی دست صنع خاک و خشته
جوهر ترابون ایلر طعنه روضۀ بهشته
سنده آشیان ایدوبدور شاهباز سدره مسکن
.
تا ابد مصوندی خاکون جور چرخ دور، کجدن
حتک ایدنمز احترامون خصم دون عناد و لجدن
کسب اعتبار ایدوبسن قبر ثامن الحججدن
جلوه گر اولوبدی سنده عکس حُسن حیّ ذوالمن
.
لطف آب جویبارون رشک چشمۀ بقادور
نکهت نسیم صبحون هر دله گره گشادور
خاک کیمیا مثالون چشم جانه توتیادور
سوز آتش ضمیرون برق کشتزار ریمن
.
خال روی هفت کشور آبروی هر بلدسن
اوزگه بیر بلاده نسبت تازه برگ سرسبدسن
نور مهر ارتضادن چرخه مایۀ حسدسن
یوخ دلیله احتیاجی، فاش دور بو قول مُتقن
.
سنده روضۀ رضا وار حسرت ریاض رضوان
اعتبار و شوکتوندن فخر ایدر جهان امکان
اشتیاق و حسرتونده دور ایدر سپهر گردان
بلکه آستان عزّون خاک اولوب ایده نشیمن
.
اوج قبّه سیندن اولموش پست، قدّ طاق اعلی
خم اولوب تواضعیندن پشت گنبد معلّی
حیرته سالوب جهانی بو مقام فوق والا
عقل، محو و مات اولوبدور کبریا و شوکتیندن
.
شمسۀ رواقی آلموش آب و تاب آفتابی
مهچۀ لواسی دوتموش انعکاس ماهتابی
نکهت فضاسی ایتموش شرمسار مشک نابی
عطر تربتیندن اولموش منفعل عبیر و لادن
.
خاکبوسینه ملکدن متّصلدی فوج فوجه
سبقت آختاراندا گویا بحردور گلوبدی موجه
عرض رازده یتنده بانگ استغاثه اوجه
دولدورا جهانی یکسر گه دعا و گاه شیون
.
بی سبب دگل او روضه درک ایدوبدی بو بهانی
زیب سینه ایلیوبدی سبط پاک مصطفانی
جان کیمی آلوب کناره جسم حضرت رضانی
بسدی بو شرف اولوبدور دُرّ بحر عشقه مخزن
.
اوردا نفس ماسِوایه علّت بقا یاتوبدی
شمع محفل وجوده جلوه و بها یاتوبدی
عکس حُسن لایزالی حضرت رضا یاتوبدی
وار یری شعاعی ایتسه بزمگاه قدسی روشن
.
نیّر سپهر وحدت آفتاب برج ایمان
اعتبار آدمیّت، افتخار کون و امکان
اصل معنی حقیقت، شرع معضلات عرفان
جوهر روان وجودی فرض اولونسا، ماسِوا تن
.
علّت دوام هستی، فیض بخش ماه و ماهی
نسل پاک شاه بطحا، عکس رحمت الهی
عارف سلوک وحدت، بزم قدس خانقاهی
سرو قامتی، ولیکن باغ خُلد او سروه گلشن
.
تاب طلعت ازلدی تاپدی حُسنی لمعۀ نور
مُلک طوسی جلوه سیندن ایتدی رشک وادی طور
ایلدی سپس بو نوری پردۀ تراب مستور
اَرِنی کلیم جانه بیله ویردی پاسخ لَن
.
محنتین سالاندا یاده سوز غم دوشور روانه
سیل تک اولور عذاره گوزدن اشک تر روانه
آه شعله زا ویرور باش اود سالور دل جهانه
سونمز اود اولور بو محنت صبر و اختیار، خرمن
.
بو هامی جلالتیله گیچدی حدّیدن ملالی
باشه یتدی محنتیله صبح و شام و ماه و سالی
راحت اولمادی یتینجه عمرینون دم زوالی
اولدی دفتر حیاتی درد و رنجیله مُعَنوَن
چشم دل گورور دیرسن ایله حال غم فزانی
ترک ایدور امام او بزمی باشینه چکوب عبانی
رنگ رویی ظاهر ایلور سوز زهر جانگزانی
حالی گوسترور که یتمیش مقصد و مرامه دشمن
.
قلب قلب ماسِواده واردی سوز بی نهایت
هر نفس تاپور دلینده التهاب زهر شدّت
قصد ایدر قرارگاهین ذات حقّه ذاتی آیت
ارغوان مثالی حُسنی اخذ ایدوبدی رنگ سوسن
.
گوش جان آلور فضادن بیر نوای دلگدازی
سجنیده او شه دیرسن باشلیوب بیان رازی
کونی یاندورا یاخوندور ساز سوزی سوز سازی
گورسنور او ناله سینده مین جهان شرر معیّن
.
#گریز #رضویه_شهادت
.
اشتیاق وصلتیله سسلور اوز انیس جانین
آختارور او حالتینده عکس جوهر روانین
آرزو ایدور که گورسون جان ویرن زمان جوانین
دلده کی شراری ایتسون آب وصلیله مُسَکَّن
.
آز قالور که دور عمری چرخ دون ایده معطّل
مجملاً تاپا نهایت بو حکایت مفصّل
واپسین نفسدیم من گل اوغول جواد گل گل
قویما هجر ایده جهانی گوزلریمده چشم سوزن
.
اولدی گردش فلکدن غصّه و بلا نصیبیم
نه انیس وار نه مونس نه حبیب نه طبیبیم
درد انتظار الینده آخِره یتوب شکیبیم
گل گوروم گل جمالون کامیاب جان ویروم من
.
دل نه قدری صابر اولسا درد انتظاره دوزمز
هر غمه ایدر تحمّل فرقت نگاره دوزمز
قول آشکاردور بو یار هجر یاره دوزمز
ایستمز گواه و شاهد بو حکایت مبرهن
.
#رضویه_مدح
#ای_شرفده_عرشه_تالی_منزلتده_طور_ایمن
#عابد_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید