ای شرف آل عبا یاحسین #حسینیه_رهبری_تبریزی

در جلالت امام حسین(ع)
.
✍️ #زبدةالاشعار ✍️
.
🆔: @nohe_torki
.
مرحوم رهبری تبریزی
.
ای شرف آل عبا یاحسین
آی آدی هر درده دوا یاحسین
.
هر قدر وار نفسیم سسلرم
آدیوی هر صبح و مسا یاحسین
.
آدیوا قربان ایدرم جانیمی
جان سنه قرباندی آقا یاحسین
.
اولموشام عاشق آدیوا حق بولور
ایتمرم عشقونده جفا یاحسین
.
گلشن و پروانه نی من نیلورم
یوخدی اولاردا بو وفا یاحسین
.
دامنوی بوشلامارام حشره تک
اولسان اگر سنده رضا یاحسین
.
قلبیمه هم روحیمه سن سن صفا
یوخدی بهشته بو صفا یاحسین
.
گورسم آدون قاره علم ده یازوب
باش اگرم یوزلر اونا یاحسین
.
آدیوی پرچمده اوپوب آغلارام
گلموشم عشقونده بارا یاحسین
.
هر قاپویا پرچمیوى ورسالار
من گیدرم اولسا هارا یاحسین
.
هر ایکی دنیاده گوزوم سنده دی
گل منی تک قویما آقا یاحسین
.
لطف ایله زهرا بالاسی داده گل
چاتسا باشا امر خدا یاحسین
.
آخر عمرومده جمالین گوروم
تا آلا جان پیک خدا یاحسین
.
قویسالا عاصی یوزومی تپراقا
اوندا منه ایله عطا یاحسین
.
قویما قارانلوندا قالوم سیدی
نوریله ویر قبره ضیا یاحسین
.
.
#حسینیه_رهبری_تبریزی
#حسینیه_مدح
#ای_شرف_آل_عبا_یاحسین
#ترکی #یاحسین
.
✍️ #زبدةالاشعار ✍️
.
🆔: @nohe_torki