ای شرف عالمیان یاعلی #حیدریه_بیدقداری

شهادت حضرت علی (ع)
گریز به #حسینیه_شهادت
.
.
#سبک_ای_باشی_سرنیزده_معراج_ایدن
.
.
حاج داود بیدق داری
.
.
ای شرف عالمیان یاعلی
سجده ده قانه بویانان یاعلی
(( تا باشینی مرتضی
کوفه ده قویدی یئره
زینبه باش ساغلیقی
گلدی ملکلر وئره ))
.
.
تاکی تراب اوسته قویوبسان جبین
تیغ جفا قیلدی عیان کینه سین
قرمزی قانیله بویاندی زمین
آغلادی بوحاله زمان یاعلی
.
.
باش یارالاندی اولوب عالم غمین
توپراقین اوسته توکولوب یاسمین
تاجینی ووردی یره روح الامین
باخدی سنه قیلدی فغان یاعلی
.
.
کهنه گلیمه بوکولن وقته سن
عالم جان گئیدی قرا پیرهن
سولدی سولان گل کیمی رنگ حسن
توکدی یوزه اشک روان یاعلی
.
.
غربتووه آغلادی کروبیان
قالدی یتیملر اتاسیزباغریقان
حیرتیلن باخدی یره آسمان
گوردی سنی تیغه نشان یاعلی
.
.
جهل وعناد اوسته عیان قالدیلار
ظلمیله آرامشیووی آلدیلار
منبرومحرابه فغان سالدیلار
ایله دیلر قلبیوی قان یاعلی
.
.
قان سوزولوب دیده ی بیماریوه
پرده چکوب عارض گلناریوه
فاطمه گوز یولدادی دیداریوه
وصلووه مایلدی جنان یاعلی
.
.
گرچه اولوب ظلمیله باشون یارا
یاره لی گئتدون نظر ائتدون یارا
لیک باشون چخمادی نی ده دارا
اولدی سنه داده چاتان یاعلی
.
.
قتل حسین اونداکی امضا اولوب
کرب وبلا محشری برپا اولوب
شوره زمین قانیله دریا اولوب
تاپمادی بیرکیمسه امان یاعلی
.
.
وردیلار آواره قالان قیزلاری
آخدی سپهرشرف اولدوزلاری
قمچی سالوب دیلدن آدامسیزلاری
اولدی ایاق آلتدا قالان یاعلی
.
.
چخدی جدا اوسته حسینون باشی
گوردی باجی قانه باتان قارداشی
قانه باتوبدور قیزیوین گوزیاشی
قددین ائدیب غصه کمان یاعلی
.
.
#حیدریه
#حیدریه_شهادت
#ای_شرف_عالمیان_یاعلی
#بیدقداری
#ترکی
#زبدةالاشعار