زبدةالاشعار

ای شمع بزم ماتمه پروانه یاحسین #حسینیه_دخیل

در مصیبت حضرت اباعبدالله الحسین (ع)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
ای شمع بزم ماتمه پروانه یاحسین
ای اود سالان مصیبتی هر جانه یاحسین
.
عباس خاطرینه او قانلو جمالوی
وئر بیر نشان بو قلب پریشانه یاحسین
.
تا بیر یره یغوم بو پریشان خیالیمی
باعث اولوم بو جمیعده افغانه یاحسین
.
بی شک سالور توجهی انسان کاملین
جسم جمادی صورت انسانه یاحسین
.
بولّم که صاف قلبلری یاندورور سوزوم
گوگلوم سنون اودونله اگر یانه یاحسین
.
انصافدور قویام آدیمی شیعه یانمیام
اما سنون چادرللارون اودلانه یاحسین
.
انصافدور یوزومه گوزوم یاشی آخمیا
اما سنون قانون آخا هر یانه یاحسین
.
هانسی امام شیعه سین ایستر سنون کیمی
راضی اولار بوظلم نمایانه یاحسین
.
اکبر کیمی جوان اوغولا گیدیره کفن
زلفینه اوز الیله وورا شانه یاحسین
.
مین عذریله آناسی الیندن آلا اونی
یولار باشی کسلمگه میدانه یاحسین
.
هانسی امام ال أسته دوتار شیرخواره سین
سود اممه میش ویرر دَمِ پیکانه یاحسین
.
هانسی امام ، خیمه لرین اودلویوبدوله
اولادینی توکوبله بیابانه یا حسین
.
عورت اوشاق گلین قیز عیالی ایاق پالین
نالان قاچوبدی هر بیری بیر یانه یا حسین
.
ای سو ایچن محرّم آییندا چوخ ایچمه سو
ایله خطاب اول شه عطشانه یاحسین
.
من ایچمرم سویی اورگیم سوزشین آلا
بلکه کمکدی دیدۂ گریانه یاحسین
.
غلطان ایدوبدی قانوه چون شمر دون سنی
بالله دونوب اورکلریمیز قانه یاحسین
.
قاره گیوب چخاردارام الوان لباسیمی
قیلّام فغان او پیکر عریانه یاحسین
.
هر کیمسه اوز محبتی قدرینجه آغلیور
بو کلمه نی یتور شه مردانه یاحسین
.
امّا گلنده اصغریوی آل قوجاقوه
سو ساخلیوبله گوزلر او نالانه یاحسین
.
بیر التفات قیل بو ذلیله «دخیلوم»
مسکین گلوب بو خوان کریمانه یاحسین
.
.
#حسینیه_دخیل
#حسینیه_شهادت #ورود_محرم
#ای_شمع_بزم_ماتمه_پروانه_یاحسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گل جان ویرورم حالیمه باخ آغلا سکینه #زینبیه_حسنی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی