ای شه لأفتى على
.
✍️ #زبدةالاشعار ✍️
.
🆔: @nohe_torki
.
علی اکبر علی اکبری اُشتبین
.
ای شه لأفتى على سرور اولیاء على
خلقت آفرینشه گوهر پر بها على
دردیمیزه دوا على قلبیمزه شفا على
زینت و قرب اولیاء وارث مصطفی علی
.
.
کیم ایلیر او جرأتی کعبه ده وضع حمل ایده
کعبه محلّ امن دور مشگلون اولسا حل ایده
هانسی بشرده سابقه وار اورا مُنفعِل گیده
پارچالانوب دیوار ئوزی یول دیدی خوش صفا على
.
.
کعبه نی مفتخر ایدوب گلدی وجودی ظاهره
قویدی قدم او محفله جسم عفیف و طاهره
مولود کعبه آدلانوب حق ئوزی گلدی ظاهره
کعبه تاپوبدی صاحبین سسلدی مرحبا على
.
.
هانسی مقامیدور گزور کوفه ده بینوالری
نصف شب ایله یاد ایدور بیکس و بیدوالری
هم غُربانی آختارور هم فقیر آشنالری
همّت جاودانوه جانلار اولا فدا على
.
.
خندقی برهم ایلیوب خیبری الده گزدوروب
عمروی نصف ایدوب ولی حلمی جهانی دولدوروب
نصف شبون عبادتی رنگ و رُخینی سولدوروب
رزمده خطّی سیندیران شیر نر خدا على
.
.
کیمدور حسینی بسلین کرب و بلا مناسینه
زینبه تربیت وئروب اوخشادان ئوز آناسینه
وار یوخونی فدا ایدوب خالقنون رضاسینه
فاطمه تک مقدّسه همسر با وفا على
.
.
هانسی سخی باغشلیوب سائله حال سجده ده
درّ گرانبهاسینی قیمتی عالی حدّ ده
ایستمیوب او حالده سائلی خالی ردّ ایده
اولمیوب هچ مقامیده سنده اولان سخا على
.
.
کیم وئروب ئوز طعامینی سائله احترامیلن
درک ایلیوب اسیرلری حرمت بیکرانیلن
حرمت ایدوب مساکینه عزّت و افتخاریلن
نازل اولوبدی شأنوه آیۀ هل آتی علی
.
.
هانسی امیر اسیرینی سن کیمی محترم سایوب
ئوز یئدوقی طعامینون نصفینی قاتله وئروب
قاتلینی او حالده عدله سفارش ایلیوب
عالمی حیرته سالوب سنده اولان صفا على
.
.
هانسی مبارزون اولار سنده اولان شهامتی
هانسی مُقسّمون اولار سنده اولان عدالتی
بیر گوره اهل بیتیلن أمّتینی رعیتی
گلمیه جاقدور عالمه سن کیمی پیشوا على
.
.
هانسی قدم که پاکدور راه علینی طیّ ایدر
هانسی قلم عزیزدور مدح علینی ثبت ایدر
ایلیه بولمز « اکبری » هر نقدرده جَهد ایدر
وسعت بیکرانیدور قدرت ماسوا على
.
.
#حیدریه_علی_اکبری
#حیدریه_مدح
#ای_شه_لافتى_على_سرور_اولیا_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید