زبدةالاشعار

ای شیعۀ عرفانی ال چکمه نمازوندن #نماز_کریمی_مراغه_ای

نماز و گریز به مصائب کربلا و قتلگاه
.
.
کریمی مراغه ای
.
.
ای شیعۀ عرفانی ال چکمه نمازوندن
باس باغریوا قرآنی ال چکمه نمازوندن
ائت قلبیوی نورانی ال چکمه نمازوندن
تکمیل ائله ایمانی ال چکمه نمازوندن
سرکوب ائله شیطانی ال چکمه نمازوندن
.
.
بازار قیامتده سرمایه نمازوندی
ایمانوه قلبونده پیرایه نمازوندی
قبرونده گوزل مونس همسایه نمازوندی
رتبه یتورن عرش اعلایه نمازوندی
دوت شیوۀ تقوانی ال چکمه نمازوندن
.
.
حاتم تک اگر اولسان مشهور سخاوتده
معروف ضیافتده ممتاز کرامتده
بیر ذرّه ثمر یوخدی سست اولسان عبادتده
انفاقی نماز ایلر زیبنده قیامتده
مقبول ائدن احسانی ال چکمه نمازوندن
.
.
گیرم که گناهیله سنگین اولا پرونده
معبود حضورینه مغبون و سر افکنده
قوی آننوی تپراقه اول نادم و شرمنده
مولاسینه بیر بیله عصیان ائلمز بنده
بوشلا داخی طغیانی ال چکمه نمازوندن
.
.
عارف یتیشر اوج عرفانه نمازیله
عاشق تاپار ال وصل جانانه نمازیله
زاهد یتر اعلای ایمانه نمازیله
عابد یول آچار بزم یزدانه نمازیله
کشف ائت بو معمّانی ال چکمه نمازوندن
.
.
سعی ایله نمازیله مستوجب غفران اول
مردار و تمیز آنلا پاکیزه مسلمان اول
قرآنه طرفدار اول اللهه ثناخوان اول
اوز قانوه غلطان اول قرآنوه قربان اول
وئر دینوه دنیانی ال چکمه نمازوندن
.
.
دین اوسته حسین چکدی ال جاه و جلالیندن
هم خویش و تباریندن هم اهل و عیالیندن
ال اوزدی دیاریندن هم مال و منالیندن
هر عشقی نماز اوسته آتمیشدی خیالیندن
گور شاه شهیدانی ال چکمه نمازوندن
.
.
بیر طُرفه حدیث اولموش منقول پیمبردن
ساخلار نماز انسانی فحشائیله منکردن
گر ایسته سن امنیت هر فتنه و هر شردن
تحصیل کمال ایله محرابیله منبردن
دینون بودی میزانی ال چکمه نمازوندن
.
.
آچ اشگیله صد جاده رخساره نماز اوسته
اخلاص حضوریله هر حاجتیوی ایسته
الله یوزیوه ائتمز رحمت قاپوسین بسته
محشرده نماز اهلی آزاده دی وارسته
آل روضۀ رضوانی ال چکمه نمازوندن
.
.
جان اوسته حسین چکمور ال راز و نیازیندن
کونینی قویوب حیران مقتلده نمازیندن
سینه دلینوب گلمور سس تشنه بوغازیندن
یاندی ملکوت اهلی بو سوز و گدازیندن
پخش ائتدی بو اعلانی ال چکمه نمازوندن
.
.
مین قول گله مین سلطان محمود و ایاز اولماز
مجنونداکی صبر اولماز لیلی ده کی ناز اولماز
قانلان دولی مقتلده طاعاته جواز اولماز
شانه قلج اوخ مسواک آیا بو نماز اولماز
سن بول شهدا قانی ال چکمه نمازوندن
.
.
دل آچدی مناجاته دل قانلی دوداق قانلی
یوز قبلۀ حاجاته ال قانلی ایاق قانلی
ال گوتدی سماواته یوز گوز او سیاق قانلی
زهرا توخویان کوینک گوزلردن ایراق قانلی
داش یاره لی پیشانی ال چکمه نمازوندن
.
.
یورقون یارالی عطشان محراب عبادتده
ال دامن قربتده باش سجدۀ طاعتده
گوردی باجیسی زینب ال چادر عصمتده
جان شوق شفاعتده دل شور شهادتده
سسلندی باجی آنی ال چکمه نمازوندن
.
.
گئت خیمه لره زینب ترک ائت منی بحراندا
غرق اولماقا نزدیکم کشای کیمی طوفاندا
ایمدی بالالار قورخار وحشتلی بیاباندا
مندن بو وصایانی تبلیغ ائله هر یاندا
ای شیعه حسین جانی ال چکمه نمازوندن
.
.
صبر ایله آنام باجی قالدی قاپیمیز باغلار
دشمن بو بیاباندا چکدی سینوه داغلار
قالدون باجی عمرونده باش قاره لی گوز آغلار
ایمدی یانار اخیامون دشمن قولووی باغلار
ای فاطمۀ ثانی ال چکمه نمازوندن
.
.
ای یدّی قرا باشه بیر گونده سالان زینب
ای بیر گونون عرضینده غمدن قوجالان زینب
اجلالی تالان زینب گل تک سارالان زینب
غم جانین آلان زینب آواره قالان زینب
گوش ایله بو فرمانی ال چکمه نمازوندن
.
.
ای آی گون افقلرده شرمنده نقابوندان
تأثیر ائلمز شمره عجزوندن عتابوندان
خنجردن الون بوشلا ال چکمه حجابوندان
گل سپ بو یانان قلبه سو اشگ گلابوندان
چک زهریلی پیکانی ال چکمه نمازوندن
.
.
سن مریم دورانسان سارای زمان زینب
ایام اسارتده ویرانه ده آچ مکتب
یغ باشیوه اطفالی وئر مشقلرین یارب
فوت اولمیاجاق سندن البته نماز شب
در صورت امکانی ال چکمه نمازوندن
.
.
شعرونده«کریمی»جان عنوان نصیحت وار
مولادت عنایت وار طبعونده لطافت وار
چوخداندی که باشوندا سودای زیارت وار
وارسان نقدر سندن اشعار مصیبت وار
ترویج ائله دیوانی ال چکمه نمازوندن
.
.
#پندیات #مناجات #نماز #قتلگاه
#ای_شیعۀ_عرفانی_ال_چکمه_نمازوندن
#ترکی
#زبدةالاشعار

متن پیشنهادی:  اولان مدفنی کنج خرابه بالام ایوای #حضرت_رقیه_نجمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی