زبدةالاشعار

ای صورتینین شاکله سی آیه برابر #مصیبی_تبریزی #مهدیه

یا مهدی
.
✍️ زبدة الاشعار ✍️
.
🆔: @nohe_torki
.
محمد علی مصیبی
.
ای صورتینین شاکله سی آیه برابر
شهلا گوزی مین نرگس شهلایه برابر
.
عالملره آئینۀ عزّتدی وجودون
بیر تار توکون هر ایکی دنیایه برابر
.
قد قامت اولوب قامتین آفاقیده مولا
گلمز داخی اول قامت طوبایه ، برابر
.
مریم بونا فخر ایلوری عیسایه آنادی
دم صاحبی دور یوز ید ِ بیضایه برابر؛
.
مین دفعه ولی،دم وئره گر مریمین اوغلی
اولماز نفس مهدی زهرایه برابر
.
تاثیر دمین عالم امواتی دیریلدر
تک بیر نفسین عمر مسیحایه برابر
.
اسرار کلام اللهه عارف سن ازلدن
علمین دایانار خضریله موسایه برابر
.
یابن الحسن ای شمع شبستان ولایت
گل ؛ محشر ائله محشر کبرایه برابر
.
کیم شأنیوی بولسه اتگیندن الین ئوزمز
ائتمز ئوزونی هر سوزه ، اغوایه برابر
.
والله ! یانوری شیعه لرین فرقت اودوندا
قان آغلیوری ، اشک زلیخایه برابر
.
بیمار وصالم گل اولا دردیمه چاره
ای بیر باخیشی لطف اطبّایه برابر
.
احسان ائله سرمست میِ وصلین اولوم من
یوخ دهریده اول بادۀ مینایه ، برابر
.
ای فاطمه نین یوسفی ردّ ایله نقابی
سن تابش ائله گون دایانا سایه برابر
.
آفاقی دوتوب ظلم وشقاوت آقا تئز گل
شمشیریوی چک لاتیله عُزّایه برابر
.
ای عِقد ثریّا یوزیوی عالمه گُؤستَر
عالم باش اگه عِقد ثریایه برابر
.
هجرینده«مصیّب» یاناجاق قبره گئدینجه
گوزیاشی توکر خیزش دریایه برابر
.
.
#مهدیه
#ای_صورتینین_شاکله_سی_آیه_برابر
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  به اشک دیدگان کردم وضو تا روی او بینم #مهدیه_هدایت_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی