شهادت حضرت قاسم علیه السلام
.
✍️ زبدة الاشعار ✍️
?: @nohe_torki
.
سبک :: ای غنچه نیلوفریم … ویرانه ده نازلو بالام…
.
مرحوم نادری میانجی
.
ای طوی حناسی قان اولان نو کد خدا قاسم
پیکر یارا اللرده قان باشی جدا قاسم
.
.
بو حاله کیم سالدی سنی ای خانه سی برباد
باشیمه کول اولدی بالا اولدون عجب داماد
آغلار قویوب گئتدون منی اوغلوم ائوین آباد
قالدیم اوغولسوز بی پناه من بینوا قاسم
.
.
صبحه کیمی من یاتمادیم لایلای دئدوم یاتدون
چوخ آرزو امیدله سن باشیمی قاتدون
من آتمادوم اوغلوم سنی اما منی آتدون
دوزمز بیله هجرانه چون هئچ بیر آنا قاسم
.
.
چون اولمادی اوغلوم سنه مهر پدر قسمت
زهر ستم ایچدی بابان قویدی سنی حسرت
من اون بیر ایل ناکام بالا چوخ چکمیشم زحمت
هئچ بیر آنا تاب ایلمز ئولسه بالا قاسم
.
.
سن نوگل گلزاریدون اوغلوم نه تئز سولدون
ائتدون آناوی دربدر سن نامراد ئولدون
بو عرصه گاهِ عشقده سن قانه غرق اولدون
اولدون بو قان دریاسینه سن ناخدا قاسم
.
.
بو رسمدور ئولسه آنا اوغلی قرا باغلار
ماتم دوتوب اوغلی اونا اوچ گون عزا ساخلار
ئولسه اوغول قالسا آنا حشره کیمین آغلار
دیلده اوغول وای ناله سی باشدا قرا قاسم
.
.
ئولسون آنان نورس بالا یوخ دردیمه چاره
ایچدون شهادت جامینی من قالدیم آواره
طوفان اولوب یتدی خزان دوندی گولوم خاره
آخر سنه اولدی وطن بو کربلا قاسم
.
.
ئولدی بابان مونس منه بو سوز آهمدور
تسکین وئرردوم قلبیمه قاسم پناهیمدور
قالدوم غریب و بی وطن الله گواهیمدور
بوندان سورا من سَسلَسَم وئرمز صدا قاسم
.
.
یاز نادری درد و غمه سینم اولوب آماج
ای باشیمون تاجی بالا قویدون منی بی تاج
قالدوم ئولونجه کربلا توپراقینه محتاج
من کربلا زواری سن حقه فدا قاسم
.
#سبک_ویرانه_ده_نازلو_بالام
.
#قاسمیه_شهادت
#ای_طوی_حناسی_قان_اولان_نوکدخدا_قاسم
#نادری
#ترکی
.
✍️ #زبدةالاشعار ✍️
?: @nohe_torki
نظر دهید