اربعین
.
✍️ زبدة الاشعار ✍️
.
🆔: @nohe_torki
.
مرحوم سید رضا حسینی ( سعدی زمان )
.
ای عترت پیغمبرین سقاسی قارداش
بو قانلی دشتین شیر بی پر واسی قارداش
.
اخطار ایله یتمیش سوسوز سربازه قارداش
گلدی سوسوز قیزلار گیدون پیشوازه قارداش
.
.
.
بسکه باجیم زینب چکوب چوخ چوخ اذیت
من گیتماقا مانع اولور شرمیله خجلت
سن گیت وفالی باجیوا ایله محبت
دل گوگلینی ای قلبیمون یاراسی قارداش
.
.
.
بوینومدا چوخدور حقی اول بی اقربانین
یولدا چکوب چوخ زحمتین آل عبانین
قمچی ووراندا باشینه هر بیر بالانین
ایلوب قولون حایل او غم دریاسی قارداش
.
.
.
گرچه واروندور خجلتین ای کان غیرت
اما رقیّم گلموری چکمه خجالت
عطشان دگولّر عترت ختم رسالت
چیخمور سپهره العطش غوغاسی قارداش
.
.
.
.
ایلوردی نوک نیزده باشیم نظارت
گوردوم که اسلامه باجیم ایتدی نه خدمت
ایله دانشدی کوفده قوپدی قیامت
دینی دیریتدی منطق گویاسی قارداش
.
.
.
هر کیم سسین آلدی دیدی شیر خدادور
بو سس قولاقیمده منیم چوخ آشنادور
دقت ایدنده گوردولر اول مبتلادور
قول باغلی بیر محمل اولوب ماواسی قارداش
.
.
.
.
اولجاق باجیمدان اسکتو فرمانی صادر
بی حس اولوب عورت کیشی اشخاص حاضر
آندوردی اوغلی هنده نین فاسقدی فاجر
فاسق اولانماز متقی مولاسی قارداش
.
.
.
ابن زیاد ایلوردی بیر عورت تصور
کیمدور سوروشدی بو اسیر ایلور تکبر
یوز ویردی اهل مجلسه حال تحیر
زیبنده گورسندی علی سیاسی قارداش
.
.
منطق بیانیله باجیم ناموس کبرا
گویا که حقین ایلوری اثبات زهرا
مرجانه اوغلین ایلدی منفور و رسوا
باشلاندی اما اوزگه غم طغراسی قارداش
.
.
.
آچدی او بیدین و شقی ال انتقامه
ویردی شل اولموش اللری ظلمه ادامه
گاهی منه گه طعن ایدوب اوغلوم امامه
یاندوردی زهرا قلبینی ایذاسی قارداش
.
.
.
#سبک_ای_درد_بی_درمانلارا
.
.
#اربعین
#ای_عترت_پیغمبرین_سقاسی_قاردش
#سعدی_زمان
#ترکی
.
✍️ #زبدةالاشعار ✍️
.
🆔: @nohe_torki
نظر دهید