شهادت حضرت علی اکبر (ع)
زبانحال حضرت لیلا (س)
.
.
✍️ #زبدةالاشعار ✍️
.
🆔: @nohe_torki
.
#سبک_دولدوروب_جهانی
مشابه
.
کریمی مراغه ای
.
.
ای عزیز جانیم نو نهالیم اکبر
رشتة امیدیم ایده آلیم اکبر
سن شبیه طاهاسن
نورچشم لیلا سن
مه جمالیم اکبر (2)
.
.
حیف اولا بو قدّه بوخط و بو خاله
بو گوزل جماله بو شیرین مقاله
سن بوگون یترسن گون کیمیزواله
من قراگونه قاللام
باشیمه قرا ساللام
مه جمالیم اکبر (2)
.
.
گیت کمکلیق ایله تک قالوب شهنشاه
ویر باشون جدایه قربتاً الی الله
فرقتونده لیلا یاش توکوب چکر آه
گیت بو قانلی میدانه
لاله تک بویان قانه
مه جمالیم اکبر (2)
.
.
ای علی شجاعت مصطفی شمایل
ایمدی که اولوبسان بزم یاره مایل
قوی ایدوم قولیمی بینوا حمایل
زلفوه وروم شانه
تاپشوروم بو قرآنه
مه جمالیم اکبر (2)
.
.
من سنون غمینده گلمرم نوایه
شاه کربلادن ایتمرم گلایه
شام یولاریندا باخمارام جدایه
هرغمه دایاننام من
چوللری دولاننام من
مه جمالیم اکبر (2)
.
.
سنکه دین یولوندا ئولماقا رضا سن
بو منای عشقه بیر گوزل فدا سن
جان ویرنده عطشان ایت منی دعا سن
بلکه خالق عادل
صبریمی ایده کامل
مه جمالیم اکبر (2)
.
.
هجریوه دوزنمز بینوا رقیّه
هر دقیقه سسلر وا اخا رقیّه
سندن اوتری ایلر جان فدا رقیّه
آدیوی ایدر ازبر
جان ویرن زمان سسلر
مه جمالیم اکبر (2)
.
.
غم گونی آتایه یار اولار جوانی
قویما تک بو چولده شاه کربلانی
قوی دالونجا لیلا باشلاسین فغانی
باخما شور و غوغایه
یانماحال لیلایه
مه جمالیم اکبر (2)
.
.
گیت اگرچه گیتسون من عزالی قالّام
آغلارام ئولونجه باشه قاره سالّام
فاطمه یانندا فخر ایدوب اوجالّام
ثابتم سوزوم اوسته
گیت اوغول گوزوم اوسته
مه جمالیم اکبر (2)
.
.
سن علی شبیه خاتم رسل سن
آل مصطفانین گلشنینده گول سن
گیت منه بو چولده سن قالان دگولسن
سسلرم ایوون آباد
گیت هرآنچه باداباد
مه جمالیم اکبر (2)
.
.
دوتمادیم سنه طوی یتمدون مرامه
دوندی هر امیدیم یأسه کربلاده
بو ایشین قصوری یوخ بو بینواده
بیله ایستیوب دوران
یاخ حنا اله قاندان
مه جمالیم اکبر (2)
.
.
گیت یتور تمامه امتحانون اکبر
قوی یاخوم جماله مندن قانئن اکبر
قوی «کریمی» اولسون نوحه خوانون اکبر
کربلا دیسون یانسون محنتونده اودلانسون
مه جمالیم اکبر (2)
.
.
#اکبریه_کریمی_مراغه_ای
#اکبریه_شهادت
#ای_عزیز_جانیم_نونهالیم_اکبر
#ترکی
.
✍️ #زبدةالاشعار ✍️
.
🆔: @nohe_torki
نظر دهید