ای علمدار من یار و غمخوار من #عباسیه_مخلص_اردبیلی

زبانحال امام حسین (ع) در بالین حضرت ابوالفضل (ع)
.
.
#سبک_خیمه_نی_سیلمیشم
مشابه
.
.
.
مرحوم مخلص اردبیلی
.
ای علمدار من یار و غمخوار من
یاتما صحراده قارداش گلدیم امداده قارداش
دوغرانوب پیکرون قالمیوب صاف یرون
گل تک اعضاده قارداش گلدیم امداده قارداش
.
.
گل کیمی پیکرون سر به سر یاره دور
یاره لردن آخوبدور قان گیدوبسن اوزوندن
لحظه ای هوشه گل بیرجه منله دانش
سویله قارداش بیلوم من اولسا هر بیر سوزوندن
قان دوتوب گوزلرون یوخ الون سیلمگه
قوی سیلوم من او قانی ایندی شهلا گوزوندن
آچ گوزون قیل نظر قالمشام بیر نفر
بین اعداده قارداش گلدیم امداده قارداش
.
.
بیدقون سرنگون اولموسان غرق خون
بیر سلامت یرون یوخ گل کیمی پیکروندن
قطعه قطعه ایدوب لشکر کینه جو
تکیه گاهون اولوبدی صورت انوروندن
دوندریم ایندی من آرخون اوسته سنی
بیر اوپوم حسرتیله قان دولان گوزلروندن
حق یولوندا بو گون جان فدا ایلدون
سن بو مأواده قارداش گلدیم امداه قارداش
.
.
بیر بولیک عترتیم خیمه ده منتظر
گوزلرین یولدا قویدی لشکر ظلم پرور
قالمادی یار من ای هوادار من
بو قدر دشمن ایچره یالقوزام ای برادر
ایندی ایلر هجوم هر طرفدن قشون
قتلیمه منتظردور شمر دون الده خنجر
ظلمیله تشنه لب باشمی کسمگه
اولموش آماده قارداش گلدیم امداه قارداش
.
.
آه او وقتدن امان شاه تشنه لبان
باخدی حسرتله گوردی دوشدی قارداش نفسدن
قالدى یرده بدن یوخدی بیر دفن ایدن
دوغرانوب قالمیوبدور یار و انصار و کسدن
یوز ویروبدی نه غم ایتمرم من رقم
واردی بیر التماسیم شاه بیداد و رسدن
امر صادر ایده «مخلص» هر غصه دن
اولسون آسوده قارداش گلدیم امداده قارداش
.
.
#عباسیه #مخلص_اردبیلی
#عباسیه_شهادت
#ای_علمدار_من_یار_و_غمخوار_من
#ترکی
#زبدةالاشعار