ای علینون گوزلی فاطمه دلبندی رضا #رضویه_عبادی_طارمی

مدح حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
عبادی طارمی
.
ای علینون گوزلی فاطمه دلبندی رضا
درگهون شیعه لره قلعه ی ایمندی رضا
.
.
دولانار باشوه افواج ملکلر آقا جان
نه فقط خیل ملک بلکه فلکلر آقا جان
مشهده خاطیر اسیر غملی اورکلر آقا جان
کسمه بیزدن سنی زهراجانی پیوندی رضا
.
.
مرقدوندن پای آلار نورسماوات حقا
طوف ائللر او گوزل مرقدیوی اهل ولا
دانشا صدقیله شعر عالمی سلطان و گدا
یوخدی بو منظره نون دهریده مانندی رضا
.
.
حرموندن آلاروخ رایحه ی جنتی بیز
وئرمروخ تاجیله تخته سن اوچون خدمتی بیز
زائر اولساخ بیلروخ ارزش هر ساعتی بیز
مبتلالر هاموسی شوقیله سسلندی رضا
.
.
حرمون طعنه وئرار روضه ی رضوانه آقا
کرمون شامل اولوب کشور ایرانه آقا
لطفیله باخسان اگر صحنیده مهمانه آقا
زائرون هدیه آلار خلد خداوندی رضا
.
.
نقدر وار نفسیم سسلیرم شاه رئوف
حاش لله که گوره ماه رخون خسف وخسوف
گرچه غم حصرائلمیشدی سنی بافوج صفوف
لب عشاقده اکدون ولی لبخندی رضا
.
.
#رضویه_عبادی_طارمی
#رضویه_مدح
#ای_علینون_گوزلی_فاطمه_دلبندی_رضا
#ترکی
.
✍️ #زبدةالاشعار ✍️
.
🆔: @nohe_torki