زبانحال حضرت زهرا (س) به حضرت علی (ع)
#گریز به #وداع و #قتلگاه
.
✍️ زبدة الاشعار ✍️
.
🆔: @nohe_torki
.
مرحوم سید احمد یاسر نجفی
.
ای عم اوغلی جان چرخ دون منی
حسرتیله سندن کنار ائدر
اعتباری یوخ بو زمانه نین
یاری یاریدن روزگار ائدر
.
.
.
باشیم اوسته پیک اجل گلوب
شوق وصل آلوب اختیاریمی
محو ائدوب سراسر وجودیمی
گورموشم اوزوم حسن یاریمی
دلخوشام گورم سالموشام اله
زلف پرشکنج نگاریمی
هانسی عاشق اوز یارینی آتار
کیم جهاندا ترک نگار ائدر
.
.
.
کوی حقدن الهام اولوب منه
بزم وصلینه واردی دعوتیم
بیر زمان گل اگلش دئیوم سنه
قالماسون اورکده وصیتیم
دوقوزایل سنه حرمت ایلدیم
دوقوز ایلده چوخ اولدی زحمتیم
وقت اولوب که زحمت تمام اولا
ضعف دل منی بیقرار ائدر
.
.
.
ایله که من ئولدوم گیجه منیم
غسلیمی ویر ائت نعشیمه کفن
حاضر اولسا دشمن جماعتی
دفن و کفنیمه راضی اولما سن
بیرده جان سنون جان حسینیمون
بیرده ای عم اوغلی بالام حسن
قویما آغلاسین آغلاسا منی
قبر ایچنده بی اختیار ائدر
.
.
.
بیر او قدری قالمور غروب
ائده آسمان خلقتده کوکبیم
ایلدیم تمام وصیّتی
قالدی دلده بیر آیری مطلبیم
بیرده سن آجیقلانما زینبه
چونکه چوخ بلا کشدی زینبیم
یادیمه دوشر کربلا غمی
آغلادار منی دلفکار ائدر
.
.
.
ایلدی وصیتلرین تمام
سلدی اودم گلدی زینبی
باشی اوسته اگلشدی جان کیمی
باسدی باغرینا ماه کوکبی
بولمورم نه نوعیله تاب ائدر
شیعه لر ایشتسه بو مطلبی
فاطمه او گیزلین وصیتین
زینبه نجه آشکار ائدر
.
.
.
زینبین ازل گوتدی معجرین
ئوپدی حنجرین آرتدی محنتی
خاطرینده ساخلا دئدی قیزیم
کربلاده سن بو وصیّتی
ئوپ حسینیمین اوردا حنجرین
واردی بو سوزین آیری علّتی
علتی اودور شمر دون او گون
سن ئوپن یری تارو مار ائدر
.
.
.
بو وصیّته ایلدی عمل
کربلاده چون زینب حزین
گوردی خیمه دن یوز قویوب گئدر
رزمگاه عدوانه شاهِ دین
عرض ائدوب اخا گیتمه بیر دایان
بوندان آرتوخ ایتمه منی غمین
شاه کربلا دوردی گیتمدی
گوردی زینبی آه و زار ائدر
.
.
.
گوتدی بیر حسینین عمامه سین
بیرده آچدی اوز قاره معجرین
یوز یوزه قویوب گوزیاشی توکوب
ئوپدی لبلرین بیرده حنجرین
بیر او قدری گیچموب همان یئره
شمر بی حیا قویدی حنجرین
باشینی کسنده گوروب حسین
یاد حضرت کردگار ایدر
.
.
.
ال گوتور#ثریا بومحنتی
یازما شرح قیلما بو مطلبی
آغلادار بو سوز ذکر اولونسا گر
هر زمانیده اهل مذهبی
مشگلیوی حقدن سئوال ایله
واسطه آپار بیرده زینبی
مشگل حل اولار دهریده سنی
حیّ لایزال کامکار ائدر
.
.
#سبک_ساخلا_ناقه_می_کاروانیدن ( 8 سبک برای سینه زنی و زنجیر)
.
.
#فاطمیه_شهادت
#ای_عم_اوغلی_جان_چرخ_دون_منی
#ثریا_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید