زبانحال حضرت امام حسن مجتبی (ع)
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی …
.
.
مرحوم عباسقلی صابر تبریزی
.
ای غمکش زمانه ای بخت قاره زینب
باغریم دونوبدی قانه دور ایله چاره زینب
.
.
.
ای فاطمه عزیزی ای زینب بلاکَش
دور گور نه نوع حالیم اولموش باجی مشوّش
بیر جرعه ایچمیشم سو دوتموش وجودیم آتش
باشدان ایاقه دوتموش جسمیم شراره زینب
.
.
.
رنگیم ایله سارالموش چون کهربادی باجی
قالموش الیم اورکده شغلیم نوادی باجی
آهون شراری چخسا عرشه روادی باجی
دور رنگیمه نظر قیل گل آه و زاره زینب
.
.
.
اولموش اُلوم مجسّم بو چشم پرنمیمده
آز قالدی باشین آچسون زهرا آنام غمیمده
دور سنده رخت ماتم گی باجی ماتمیمده
سال اول بلالی باشه بیر شال قاره زینب
.
.
.
دور ویر خبر حسینه گلسون غمیمده یانسون
توکسون یوزه سرشکین گوزیاشینه بویانسون
جانم بذل ایدنده باشیم اوسته حسین دایانسون
دوشسون گوزوم اُلنده اول گلعذاره زینب
.
.
.
اولادیمه خبر ویر اولسونلا جمله حاضر
اطفالیمیله ایلوم باجی وداع آخِر
گرچه دگل زبانیم نطق و بیانه قادر
گورسم اولاری گلّم لیک اقتداره زینب
.
.
.
آچ گوزلرون اماندور آغلار گوزون فداسی
دردیمه دور دوا قیل ای غملر آشناسی
بیر درده مبتلایم یوخدور داخی دواسی
غیر از اُلوم بو درده یوخ اوزگه چاره زینب
.
.
.
سن تک ستم کشیده گورمز گوزی جهانون
گاهی منیم غمیمده عرشه چخار فغانون
گه کربلا چولینده فریاد و الامانون
اوج ایلر عرش پاک پروردگاره زینب
.
.
.
چوخ ظلم ایده لّه باجی اهل جفا حسینه
ویرمزله جان ویرنده سو اشقیا حسینه
قویمازلار اهل بیتی دوتسون عزا حسینه
یکسر اسیر اولورسوز قوم شراره زینب
.
.
.
صیّادلر چو آهو اطفالی صید ایده لّر
آل عبانی یکسر مغلول قید ایده لّر
سیز کوفیه یتنده دشمنلر عید ایده لّر
محتاج اولورسوز اوندا باشدا خماره زینب
.
.
.
صابر نه قدر الده وار دفتریله خامه
یاز نوحه خدمت ایله آل شه انامه
عالی صله خدادن ایسته همین کلامه
ای غمکش زمانه ای رخت قاره زینب
.
.
#حسنیه_شهادت
#ای_غمکش_زمانه_ای_بخت_قاره_زینب
#حسنیه_صابر_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید