راه شام – بعد از دیر راهب
.
✍️ زبدة الاشعار ✍️
.
?: @nohe_torki
.
کربلایی فخرالدین اسکندری(جائد زنجانی)
.
ای فاطمه ریحانی قارداش
وی مرتضانون جانی قارداش
باشون نی اوسته، جسم پاکون
اسکان ایدوب صحرانی قارداش
.
ای زینبون آرام جانی
دیندیر من بی خانمانی
.
.
.
.
سر نیزه ده صاحب سعادت
کهف آیه سین ایتدون قرائت
عیسانی حیرتده قویوبدی
اعجازون ای شمس هدایت
.
ای زینبون آرام جانی
دیندیر من بی خانمانی
.
.
.
.
قوم عدو مقصوده چاتدی
گوز یاشیمی القانه قاتدی
گورجک رقیه قانلی باشون
افغان ایدوب ال باشه آتدی
.
ممزوج ایدوب گوز یاشه قانی
دیندیر من بی خانمانی
.
.
.
.
آمالیوه قارداش چاتوبسان
دنیانی سن گوزدن آتوبسان
یوز گوز کوله باتموش برادر
گویا تنور ایچره یاتوبسان
.
اسکان ایدن مطبخ سرانی
دیندیر من بی خانمانی
.
.
.
.
طی ایلیوبسن چوخ مسافت
تاپدون ایکی یرده ضیافت
خولی ایوینده کوللر اوسته
هم دیریده ای با شرافت
.
آغلار قویان کون و مکانی
دیندیر من بی خانمانی
.
.
.
.
سرنیزه ده معراج ایدوبسن
نور رخون منهاج ایدوبسن
نصرانی طُوف ایلوبدی باشون
ترسانی سن الحاج ایدوبسن
.
منحور بوغازدان جاری قانی
دیندیر من بی خانمانی
.
.
.
.
میهمان گرک یاتسون گول اوسته
خولی قویوب باشون کول اوسته
قارداش کوله باتموش جمالون
راهب یودی قویدی گول اوسته
.
قان آغلادان یدّی سمانی
دیندیر من بی خانمانی
.
.
.
#سبک_گل_پیکری_صد_پاره_قارداش
#راه_شام
#دیر_راهب
#ای_فاطمه_ریحانی_قارداش
#جائد_زنجانی
#ترکی
.
✍️ #زبدةالاشعار ✍️
.
?: @nohe_torki
نظر دهید