اربعین
.
✍️ #زبدةالاشعار ✍️
.
🆔: @nohe_torki
.
#سبک های مشابه
#سبک_احوالیمیز_یاماندی … 10 سبک #سبک_نبسته_ام_به_کس_دل … #سبک_آی_قلبیمون_قراری … #سبک_ای_قهرمان_وزیریم … #سبک_آچ_گوزلرون_علی_جان … #سبک_گل_زینبیم_یوبانما … #سبک_گلدیم_هرایه_قارداش … #سبک_اود_یاپوشدی_سینمه و …
.
سید بشیر حسینی میانجی
.
ای فاطمه نشانی! زینب رقیّه هانی؟
گئتدون بو کاروانی زینب رقیّه هانی؟
.
.
.
.
.
مندن صورا یانیقلی نی تک نوایه گلدوز
قیرخ گوندی لحظه لحظه دؤزدوز جفایه گلدوز
بو اربعین گونونده کربوبلایه گلدوز
غم دوتدی کربلانی زینب رقیّه هانی؟
.
.
.
.
.
ای کاش اودا گلِیدی وصل عطرینی آلِیدی
ششگوشه قبریم اوسته باری اؤزون سالِیدی
اکبرله اصغریمله یانیمده او قالِیدی
ایستَر آتا بالانی زینب رقیّه هانی؟
.
.
.
.
.
گلسیدی کربلایه اشکی روان اولاردی
او بولبوله بو گلشن خوش آشیان اولاردی
بو کاروانه باری بیر نوحه خوان اولاردی
گلمور نیه فغانی زینب رقیّه هانی؟
.
.
.
.
.
اوخشوردی چوخ آنامه اُول قیز آلا گؤزوندن
دویدوم نه باخماقیندان نه بال کیمی سؤزوندن
گلسیدی بیر ئوپردیم سیلی دَگَن یوزوندن
ئولسون اونی ویرانی زینب رقیّه هانی؟
.
.
.
.
.
گلسیدی قبریم اوسته چوخ گول دریب ساچاردی
ای وای بابا دییردی توزلی ساچین آچاردی
عباسین آدی دیلده نهره طرف قاچاردی
سسلردی اُول جوانی زینب رقیّه هانی؟
.
.
.
.
.
مندن صورا دمادم سالدی قرا رقیه
غم تازه لندی گِئیدی کهنه قبا رقیه
آز سِنّیله چکوبدی چوخلی بلا رقیه
آخر یورولدی جانی زینب رقیّه هانی؟
.
.
.
.
.
اُول سالکِ بلایه قورتاردی منهاج، ئولدی
آخر کفندن اؤتری محنتلی محتاج ئولدی
سجّاده نیسکیل اولدی چون باجیسی آج ئولدی
آغلاتدی نُه سمانی زینب رقیّه هانی؟
.
.
.
.
.
حیف اولسون اولمادی او بو قبریمه مجاور
حسرتله جان وئروبدی دیدار یاره خاطر
حشره کیمی کیم اولسا کرب وبلایه زائر
یاد ایلر اُول بالانی زینب رقیّه هانی؟
.
.
.
.
.
یارب «بشیر»ه قسمت ایله دوباره گلسین
شوقیله اربعینده غملی دیاره گلسین
زواریمه قوشولسون، اگنینده قاره گلسین
ذکر ایلسین هر آنی زینب رقیّه هانی؟
.
.
.
#اربعین_سیدبشیرحسینی
#ای_فاطمه_نشانی_زینب_رقیه_هانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید