زبانحال حضرت علی (ع) در شهادت حضرت زهرا (س)
.
✍️زبدة الاشعار✍️
.
🆔: @nohe_torki
.
#هدایت_تبریزی
.
ای فلک یار وفاداریم الیمدن گیتدی
غملی ام غم گونی غمخواریم الیمدن گیتدی
.
حقلی ام اشک عوضی گوزدن آخا خون دلیم
یانیرام دلبر و دلداریم الیمدن گیتدی
.
بو ایوین فاطمه سیز یوخدی صفاسی من اوچون
ایویمین زینتی ، پرگاریم الیمدن گیتدی
.
قلبمین دردینی فاش ایلماقا واردی کیمیم
غملی ام محرم اسراریم الیمدن گیتدی
.
عطر طاهانی آلاردیم بالاسی زهرادن
عطر جنّت سپن عطّاریم الیمدن گیتدی
.
گلسه دشمن قاپیا کیمدی منه یاور اولا
کمکیم یوخدی فداکاریم الیمدن گیتدی
.
دردین اظهار ایلیوب محنته سالمازدی منی
بیر بیله اهل وفا یاریم الیمدن گیتدی
.
میخ در سینه سینی اوخ کیمی یارمشدی اونون
قان اودوب یار دل افکاریم الیمدن گیتدی
.
در و دیوار آراسندا اجلین آلدی دادین
دوشدی دلدن گل بی خاریم الیمدن گیتدی
.
حقلی ام خانه بدوش اولسام اگر فاطمه سیز
رونق خانه و درباریم الیمدن گیتدی
.
نجه پرواز ایلییم فاطمه سیز سندی پریم
یاوریم ، همدم و همکاریم الیمدن گیتدی
.
زینبینیم سارالوبدور پوزولوبدور حسنین
باغبان گل و گلزاریم الیمدن گیتدی
.
حیف اولا خوش گونی ده عمری کیمی اولدی چوخ آز
مفخر عترت اطهاریم الیمدن گیتدی
.
منه دنیا ویریله فاطمه سیز ارزشی یوخ
یاریم ، آرام دلیم ، واریم الیمدن گیتدی
.
زیب آغوش نبی زینت قبر اولدی ، عجب
بضعهء سیّد ابراریم الیمدن گیتدی
.
آغلارام لیل دجا گزلین اولان غملرینه
آغلارم ، شمع شب تاریم الیمدن گیتدی
.
اثر سیلی یوزونده ، یاراسی پهلوده
سزلادی دلبر دلزاریم الیمدن گیتدی
.
تازیانه یرینی قبره قولوندا آپاروب
چاره سی اولمادی بیماریم الیمدن گیتدی
.
الله الله یوخ علاقم داخی بو زندگیه
مظهر احمد مختاریم الیمدن گیتدی
.
نجه صبر ایلیم الله بو قدر درد و غمه
مهربان یار و هواداریم الیمدن گیتدی
.
دشمنین ظلمی جوانمرگ ایلدی فاطمه نی
عشق و ایمانیله سرشاریم الیمدن گیتدی
.
من کیمی ، حقّینی غصب ایتدی اونوندا غصبا
حق دیوب حقّه طرفداریم الیمدن گیتدی
.
ئوز ایوینده اوجادان آغلاماقا قویمادیلار
بیت الاحزانداکی خونباریم الیمدن گیتدی
.
عشق و ایثارینی معیاره چکن کیمدی اونون
عشق و ایثارده معیاریم الیمدن گیتدی
.
ئورگی ایسته دگین ، ایسته مدی من اوتانام
بیر بیله دلبر هشیاریم الیمدن گیتدی
.
روبه قبله دایاناندا گل آچاردی دوداقی
عابد مخلَص داداریم الیمدن گیتدی
.
منطق حقّیله غاصب لری رسوا ایلدی
دلی آگه ، گوزی بیداریم الیمدن گیتدی
.
تا منی خانه نشین گوردی دوام ایلمه دی
گوره بولموردی کی انصاریم الیمدن گیتدی
.
شکمی پاره اولا ، ووردی او کی سیلی اونا
پوزولوب اوجه رخساریم الیمدن گیتدی
.
گئچدی جاندان ، خطره دوشدی ، فدا اولدی منه
هدف کینۀ اشراریم الیمدن گیتدی
.
گلشنیم زاغ و زغن حمله سینه دوشدی فلک
گل سولوب ، باغ و چمن زاریم الیمدن گیتدی
.
یوخ «هدایت» ده بیان شرح ایلیه محنتمی
یانیرام ، زخمی مسماریم الیمدن گیتدی
.
.
#فاطمیه_شهادت
#ای_فلک_یار_وفاداریم_الیمدن_گیتدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید