زبدةالاشعار

ای قارداشین یالقیز قویان دنیاده قارداش #عباسیه_شوری_تبریزی

زبانحال امام حسین (ع) در بالین حضرت اباالفضل العباس (ع)
.
✍️ زبدة الاشعار ✍️

?: @nohe_torki
.
.
مرحوم میرمحمود آقا شوری تبریزی
.
.
ای قارداشین یالقیز قویان، دنیاده قارداش
آچ گوزلرون گلدیم یِتم، فریاده قارداش
.
.
واگیر ::
.
ای باوفا سر لشگریم
آچ گوزلرون ای یاوریم
ای وای اباالفضل ( 2 )
.
.
گلجک سسون خیمه لره جاندان اوساندیم
سندی بلیم یاندی دلیم یاندیم دایاندیم
قارداش دیوب نی تک گلوب فریاده یاندیم
اولدوم شهید اولماقلیقا آماده قارداش
.
.
عمریم نقدر اولسا آدون دوشمز دلیمدن
سن باشیله قولدان ویریلدون من بئلیمدن
سندی بئلیم چخدی الیم آرخام ائلیمدن
لعنت گله بو عالم ایجاده قارداش
.
.
قارداش سنون آلجاق سسون گلدیم نوایه
آختارماقا گلدیم سنی کوه منایه
ناز الیمه آچ گوزلرون گلدیم هرایه
غم ایلمه یوخدور یتن فریاده قارداش
.
.
اوغلوم علی اکبر منی قویدی اوغولسوز
سنده گئدوب قویدون منی بو چولده یالقوز
قالموب منه بو دشتیده بیر جانِ دلسوز
گلمز حسینون غملری تعداده قارداش
.
.
سن سیز بو پر محنت چولی حیران دولانّام
وای قارداشیم وای ذکر ائدوب هر لحظه یانّام
آخر سوسوز ئوز قانیمه منده بویانّام
گوزله یولومی عالم عقباده قارداش
.
.
زینب خیام عصمته شیون سالوبدور
آرامینی هجرون غمی دلدن آلوبدور
گوزلور یولووی گوزلری یولدا قالوبدور
غم غصّه دن نی تک گلوبدور داده قارداش
.
.
قارداش غمونده اهل بیتیم سینه داغلار
گورسه اگر بو حالی باشه قاره باغلار
ای وای اباالفضلیم دیر شوریله آغلار
مشگلدی بو غم زینبِ ناشاده قارداش
.
.
قویما باجون قالسون گوزی یولدا برادر
دور بیر گئداخ خیمه لره منلن برابر
گور بیر نجه زینب اولوب زار و مکدر
حیران و سرگردان گزر صحراده قارداش
.
.
دنیا ازلدن گورمیوب سن تک یارالی
من تک ائوی بر باد اولان باشی بلالی
سن سی گئدر یغمایه بُول زینب جلالی
اهل و عیالیم صید اولار صیاده قارداش
.
.
« #شوری » تدارک گورگیلن دار فناده
یاز نوحه چوخ اجری اولور روز جزاده
سعی ایله گئت بو مصرعی دِئ کربلاده
ای قارداشین یالقوز قویان دنیاده قارداش
.
.
#سبک_ای_درد_بی_درمانلارا (بیش از 10 سبک با واگیر و بدون واگیر)
.
#عباسیه_شهادت
#ای_قارداشین_یالقیز_قویان_دنیاده_قارداش
#شوری_تبریزی
#ترکی
.
✍️ #زبدةالاشعار ✍️

متن پیشنهادی:  سن عطشان قانیمه ائتدون کمانیندان فرار ای اوخ #حسینیه_مصیبی_تبریزی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی