زبدةالاشعار

ای قاندا غرق اولان دل خونباره بنزیسن #عباسیه_کامران_اسدی_حقایق

زبانحال حضرت امام حسین (ع) در بالین برادر

.
✍️ #زبدةالاشعار ✍️
.
🆔: @nohe_torki
.
کامران اسدی حقایق
.
.
ای قاندا غرق اولان دل خونباره بنزیسن
چوخ سولموسان خزان زده گولزاره بنزیسن
.
.
ای جان نثار عشق اولان کربلاده سن
سنگ تمام قؤیموسان الحق وفاده سن
سالدین ٱحد گونونده کی ایثاری یاده سن
ای حیدر اوغلی حیدر کراره بنزیسن
.
.
سن جام عشقی آلماقا،دنیانی آتمیسان
هرساغلیقی سلامتی عشقه ساتمیسان
هر آل وئریوی ایلیییب آخرده یاتمیسان
محتاج استراحت سرشاره بنزیسن
.
.
کامل بو گوزلرین یومولانمیر باخیر یارا
من بو یاریمچیلیق یومولان گؤزلره فدا
هر قدر ایستیسن منه باخ ای بوتون وفا
باشدان ایاقه تشنه ی دیداره بنزیسن
.
.
قارداشه چوخ مدد وئرن اولموش بو نوع یوخ
بوق ارداشیلن آیریسینین فرقی چوخدی چوخ
قوی بنزدیم سنی اوزووه ای باشاباش اوخ
عباس نامدار و وفاداره بنزیسن
.
.
اوخلار سالیب حصاره بو هیبتلی قامتی
لمس ایلمک چتیندی یل پر جراحتی
قارداش بو اوخلارین قفسه وار شباهتی
سنده قفسده شیر گرفتاره بنزیسن
.
.
دلداده ایستیری گئده دلداردن قاباق
ترک ایلیسن بو عالمی سن یاردن قاباق
سن ارتحال جامینی بیماردن قاباق
نوش ایلیین وفالی پرستاره بنزیسن
.
.
دوشدین یره گینه ده سرافراز عشقسن
بال و پرین سینیب گینه شهباز عشقسن
بی بال و پرده لایق پرواز عشقسن
واضح دییم کی جعفر طیاره بنزیسن
.
.
هر چند دوشمیسن یره هیبت یرینده دی
دوغرانمیسان ولی گینه صولت یرینده دی
گوهر سینیب ولی گینه قیمت یرینده دی
قولسوزدا قوللی قوّه لی سرداره بنزیسن
.
.
ال تاپماقا بو پیکره ای یار خوشمرام
هر سمتدن گتیردی سنه اوز سپاه شام
دورنده ائتدی جان آلان اشخاص ازدحام
پر مشتری جواهر شهواره بنزیسن
.
.
انبوه دشمنه سن ائدیرسن نگاه گاه
گاهدا باخیب حسینه اورکدن چکیرسن آه
قارداش چوخ ایلیسن بو ایکی سمته سن نگاه
دلواپس نگار علمداره بنزیسن
.
.
سوز وئردین ئؤللم اولمارام اما اسیر ننگ
قوی شیشه ی حیاتیمه دیسین دئدین کی سنگ
امضا ائدیبدی سوزلریوی گور نئچه خدنگ
ارزشلی اعتبارلی طوماره بنزیسن
.
.
جاندان دوشوبدی دشمنی جاندان سالان بدن
قان یاغدیریر بو یوزلر اوخیلن چالان بدن
قارداش بو اوخلارین آراسیندا قالان بدن
قؤیمور دییم کی سن گل بیخاره بنزیسن
.
.
چوخ حسرتیله قارداشیوا گوز تیکیب گؤزون
گلمیر دیلین بیان ائدیری گؤز اونون سؤزون
اؤلماگوزه امید امیدیم دانیش اوزون
گفتاره گل کی تشنه ی گفتاره بنزیسن
.
.
سوغاتیمی دئمه یاری یولدا ایتیرمیسن
من فرعی نیلیرم منه اصلی یتیرمیسن
سیل ذهندن اوقطره نی دریا گتیرمیسن
قوی گؤرمییم کی بیر الی بوش یاره بنزیسن
.
.
عباس «کامران» سنی توصیف ائدنمیری
بیر پیچ و خملی یولدادی آسان گئدنمیری
پیچیده نی راحات بیرینه بنزدنمیری
سن بیر ظریف معنی دشواره بنزیسن
.
.
#عباسیه_شهادت
#ای_قاندا_غرق_اولان_دل_خونباره_بنزیسن
#ترکی

متن پیشنهادی:  ساقی گینه قوی باشیمه میخانه دولانسون #مهدیه_شبخیز

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی