اربعین
.
✍️ #زبدةالاشعار ✍️
.
🆔: @nohe_tork
.
#سبک_ای_باد_صبا …
.
جوانی تبریزی
.
ای قبری مباهات ایلین عرشه حسینیم
به به نه گوزل زینت اولوب فرشه حسینیم
.
.
آغلار باجون اولسون بو گوزل قبروه قربان
شش گوشه لیقی زینبوی ایلیوب حیران
هر گوشه سی جناتیدن افضلدی حسینجان
حاشا اولا جنتده بو خوش منظره قارداش
اکسیریدی غم دیده اولان دللره قارداش
.
.
واقف حسین عشقوه دلبسته دی زینب
الطافوه چوخداندی که وابسته دی زینب
دیندیر باجوی ایله کرم خسته دی زینب
هجرانون آلوب طاقت و آرامیمی قارداش
قرخ گونده بوکوب بار الم قدیمی قارداش
.
.
بو مدتی هر بیر گونوم آی ایلدی غمونده
زلفوم آغاروب قدیم اولوب خم محنونده
ایکاش اجل درک ایلیه قتلگهونده
خاموش اولا قلبیمده اولان سوز و شراریم
شش گوشه مزاره اولا همسایه مزاریم
.
.
القصه دیوب دردینی قارداشینا زینب
گه سینه وروب گاهی وئروب باشینا زینب
قویدی سارالان عارضی باش داشینا زینب
گویا دیدی ای صاحب اجلال و کرامت
غم دیده باجون زینبه گل ایله عنایت
.
.
وئر رخصت اولوم قبر علمداریوه زوار
آغوشه آلوم قبرینی ای سرور احرار
دل دردینی بیر قدری اونا ایلیوم اظهار
سینمده کی غملر قدحی باری بوشالسون
شاید اورگیمده غم و آلامیم آزالسون
.
.
من کوچ ائلین وقتیده بو دشت بلانی
واضحدی نئجه ترک ائلدیم غملی مکانی
ممکن یوخدی دفن ائدم اول سرو روانی
عرضیم بودی سینم شرر آهیله یاندی
قولاری قلم قارداشمون قبری هایاندی
.
.
ترک ائتدی حسین قبرینی زینب یانه یانه
آغلار گوزیله نهره طرف اولدی روانه
بیر کاسه سو دولدوردی گلوب آه و فغانه
هر ذی نفسین طاقت و آرامینی آلدی
تاپدی بالاجا قبری شرر عالمه سالدی
.
.
دوشدی بالاجا قبره گوزی یاندی آلشدی
دیندیرماقا قارداشینی بالمره چالشدی
خون دلی گوزلردن آخان قانه قارشدی
سسلندی دور عباس گلوب زینب زارون
جان تک آلوب آغوشه باجون خیردا مزارون
.
.
دیندیر باجوی لطفیله ای عاطفه بحری
هجرون ائلیوب زینبه غمخانه بو دهری
وصلوندن اوتر گزمیشم هرکوچه و شهری
عالملری حیرتده قویوب پایة صبرون
زینب سنه قربان نیه بس خیردادی قبرون
.
.
#اربعین_جوانی_تبریزی
#ای_قبری_مباهات_ایلین_عرشه_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید