قره پرچم
.
✍️ زبدة الاشعار ✍️
?: @nohe_torki
.
قدرت چوپانی ( مشعل )
.
ای قرا پرچمه ایراد ایلین آگاه اول
بوشلا شمرین اتگین خادم آل الله اول
.
بو قرا پرچم امانت دی بیزه زینبدن
یعنی فرمان شریعت دی بیزه زینبدن
.
اونی امضا ایلیوب باشدان آخان قانیله
درس عزت ويروب عشاقه بو فرمانیله
.
یعنی ای مردم آزاده اسلام طلب
بو قرا پرچمیلن ساخلادی دینین زینب
.
بو همان قصر یزیده ورولان پرچمدی
هر نه اندازه بونا خدمت اولونسا کم دی
.
بو قرا پرچمه الله ئوزیده مشتریدی
بو رقیه خانمین غارت اولان معجریدی
.
کیم‌بو قرا علمی نصب ایلیور سردرده
ائله بیل جنگه گئدوب محضر پیغمبرده
.
ای گوروم غافل اولان قافله دن دور اولسون
کیم بو قاره علمه شک‌ایلیور کور اولسون
.
بیزلرین که آدیمیز زینت هر کشوردی
بیزه عزت یارادان بو قره پرچم لردی
.
اوکه سویلور قره مکروهیدی ناز اهلی دگول
کیم قرا کوینگی رد ایتسه نماز اهلی دگول
.
بیر نمازیکه حسین عشقنه یوخ اوندا یقین
بو نمازی قیلانین سینه سینه یاز بی دین
.
#حسینیه_مدح #ورود_محرم
#پندیات
#ای_قرا_پرچمه_ایراد_ایلین_آگاه_اول
#چوپانی_مشعل #ترکی
.
✍️ #زبدةالاشعار ✍️
?: @nohe_torki
نظر دهید