زبدةالاشعار

ای قلم صدقیله یاز جانیله جانان آدینی #ورود_محرم_رسول_بابایی

ورود محرم
.
✍️ #زبدةالاشعار ✍️
.
🆔: @nohe_torki
.
رسول بابایی (شاهد زنجانی)

.
ای قلم صدقیله یاز جانیله جانان آدینی
زینت دفتر ائله شاه شهیدان آدینی
.
گلدی ایام عزا شیعه دئنن یا زهرا
توک گوزون یاشینی وور سینیه سلطان آدینی
.
بو حسینون یاسیدی هر یره پرچم ورولوب
پرچم آلتیندا چاغور عشقیله هرآن آدینی
.
دین و قرآنه گوره وئردی حسین اکبرینی
ساخلادی زنده آقام دینیله قرآن آدینی
.
وئردی ششماهه سینی تاکه قالا زنده نماز
قان ایچینده اوخیوب شوقیله یزدان آدینی
.
دیدی من ترک ائلدیم یثربی اللهه گوره
اهلبیتیم منیلن سسلدی سبحان آدینی
.
گر باشیم نیزیه گئتسه دیرم حق سوزونی
نوک نی ده دیرم باشدا کی منان آدینی
.
شامه گر گئتسه رقییم بیلورم غم ییه جاق
کنج ویرانه ده زینب ائدر اعلان آدینی
.
زینبیم ساجدیله شامیده غوغا سالاجاق
خطبه ایراد ائله سه محو ائدر عدوان آدینی
.
امر معروفه گوره منده قیام ایلموشم
منکری نهی ائلیوب ائتمیشم عنوان آدینی
.
قارداشیم نهر فرات اوسته وئرر قوللارینی
حشره تک ذکر ائلیر هر لب و دندان آدینی
.
سنده شاهد دوش اونون درگهینه اولما غمین
هر محرمده چاغیر صوتیله هرآن آدینی
.
.
#ورود_محرم #رسول_بابایی
#ای_قلم_صدقیله_یاز_جانیله_جانان_آدینی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یتیشدی ماه، عزا و ماتم، دوتوبدی یر گوی، عزا حسینه #ورود_محرم_علیرضا_عباسی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی