کوفه
.
✍️ زبدة الاشعار ✍️
?: @nohe_torki
.
علی تیموری اردبیلی
.
ای قلم گل کربلاده ذبح اولان باشدان دانیش
اول باشا خاطرقالان آواره یولداشدان دانیش
بام لردن کوفیانون آتدیقی داشدان دانیش
بی حیالر رشتۀ مهر و وفانی قیردیلار
نیزه اوسته شهریارین باشینه داش ویردیلار
.
مطلبی عنوان ائله فکریمده قوی سوز جور اولا
حاشیه گتمه قلم سوزده گرک منظوراولا
یازدیقون سوزلرسنون عشق عالمی پرشور اولا
عشقیمی اثبات ائله سن عالی منصبدن دانیش
قهرمان کربلا غیرتلی زینبدن دانیش
.
آند اولا سلطان عشقون ذبح اولونمش باشینه
قولاری نهر فرات اوسته دوشن قارداشینه
ناقه لرده عترتین گوزدن آخان گوزیاشینه
ائتمیوب بوظلمی کافرکی مسلمان ایلیوب
کافری اسلامه رهبر اهل قرآن ایلیوب
.
کوفیه وارد اولاندا فاطمه ریحانه سی
ناقه اوستوندن باخوردی معرفت فرزانه سی
صبرینون لبریزاولوبدور کاسۀ پیمانه سی
عرض ائدوب ترویجی واردور حشره جک بونهضتین
من گرگ محو ایلیم آل امیّه دولتین
.
ابتدادن اولموشام من عشقمون آواره سی
بش یاشیمدان باشیمه باغلاندی ماتم قاره سی
آشنالر ویردی از بس قلبیمه دل یاره سی
بار الها من ائوزوم بو قوم دن دلواپسم
قوم اعداده حیا یوخ رحم ائله من بیکسم
.
بوهمان امتدی یارب کسدی یحیانون باشین
یاردی مسجده نماز اوستونده مولانون باشین
ویردی نوک نیزیه سلطان والانون باشین
بوهمان باشدور کی زهرا سینه سینده نازائدوب
ماه عشقیمدور منیم سرنیزیه پرواز ائدوب
.
بی حیالر جمع ائدوب الده اتکده داشلاری
بامیلردن داشلیا سرنیزه اوسته باشلاری
غرفه لردن اوینادی عورتلرین گوزقاشلاری
بیلدیلر وارزینبین قلبینده قارداش یاره سی
ویردیلارسلطان عشقون باشینه داش یاره سی
.
سسلدی زینب آنایافاطمه امداده گل
یوخدی امدادایلین دشمن ایچینده داده گل
قالمیشام مشگلده بیرکس یوخ چاتا فریاده گل
خامس آل عباسرنیزده حیران قالوب
ناقه لرده عترتی آواره سرگردان قالوب
.
ناقه اوستوندن یوزین دوتدی حسینون باشینه
ایستدی اظهار درد اتسون گوزل قارداشینه
سسلدی باخ زینبه رخصت وئروب گوزیاشینه
من شریک نهضتم تک قویمارام قارداشیمی
من سنون عشقونله قارداش یاررام الان باشیمی
.
رگلرینده جوشه گلدی قان اودم حیدرکیمی
ویردی باشین محمله قان جوشلانوب گوهر کیمی
سندی باشی قانی آخدی لالۀ احمرکیمی
زینبون باش یارسین قیزلار طبابت ایلدی
آیۀ کهفی حسین اوردان تلاوت ایلدی
.
دلده غم الده قلم بومطلبی یازمیدی کاش
سجده گاه شاه دینه نیزه اوسته دگدی داش
نیزه بانون اللرینده لنگر ائتدی سندی باش
قان آخوبدورقطره قطره صورت زیباسینه
بیراشاره ایلدی سرنیزدن رعنا سینه
.
زینبیم هر بیربلاده غملری یورسن باجی
محنته باخما فقط عشق عالمین گورسن باجی
ناقه ده عباسیمه بزم عزا قورسن باجی
نیزده من ناقه ده سن عهد وپیمان باغلیاق
قولسوزعباسه باجی یولاردا باهم آغلیاق
.
آغلیاق بیزده حسینون باوفا عباسینه
یاس دوتاق زهراکیمین دشت بلا سقاسینه
آغلیار دایم گلر زهرا آناسی یاسینه
وای اوغول وای سسلنر دنیانی دلدن داغلیار
قولسوزعباسی خانم اوخشاراورکدن آغلیار
.
#کوفه
#ای_قلم_گل_کربلاده_ذبح_اولان_باشدان_دانیش
#علی_تیموری
#ترکی
.
✍️ #زبدةالاشعار✍️
?: @nohe_torki
نظر دهید