حالات حضرت زینب (س) و گریز به وداع امام حسین (ع)
.
✍️ #زبدةالاشعار ✍️
.
🆔: @nohe_torki
.
حاج علی زلفی تبریزی
.
.
ای قلم یازموسان بهار و خزان
گاه از الطاف گه ز جور زمان
گاهی کج گیتمیسن گهی بیجان
گاهی گوررم که آغلوسان پنهان
قالمیشام یازدقون سوزه حیران
نیلیوم بو ایشه من نالان
اولدی ذهنیم بو باره سرگردان
ایستورم یار اولا حق سبحان
سنده همت ایله بو لحظه بو آن
ایله بو مصرعی سوزه عنوان
ایستیسن گر سله بو مطلبدن
یاز بتوله نشانه زینبدن
.
.
.
سنله گویلوم عجب شکیبادی
سنیله الفتیم هویدادی
گیجه لر سنله شور برپادی
یازماقون خسته جسمه یارادی
بستر دفتریم محیادی
بولمورم دیلده بو نه غوغادی
غرق شعروخ قلم نه حاشادی
قصد مطلب امید دلهادی
خواهر وارث مسیحادی
زینبه اشتهار اولور آدی
نور کسب ایتماقا بو کوکبدن
یاز بتوله نشانه زینبدن
.
.
.
یاز پرستار کربلادن یاز
دل شب ایتمه بیله سوز و گداز
گه دایان آغلا غملرونده بیر آز
باخما طعنه وروللا اهل مجاز
ور دمشقه طرف پر پرواز
گورور حالون خدای بنده نواز
تنگدور فرصت اولدی وقت نماز
وقت عشق و مجال راز و نیاز
ادبی یازدیقوندا ایله لحاظ
واژه تاپ ایتمه بیله عشوه و ناز
بهره مند اول نکو دل شبدن
یاز بتوله نشانه زینبدن
.
.
.
کیمدی زینب سفیر دولت عشق
مست و مدهوش بزم وحدت عشق
آدی سرمایه و همیت عشق
قدی رعنا مثال قامت عشق
هدف و مقصدی رسالت عشق
دختر پاکباز صولت عشق
سرسپاه و امید هیئت عشق
بودی سرخیل با صلابت عشق
همتیله ایدوب کتابت عشق
دشمنه ایلیوب فصاحت عشق
قیل حذر خامه بیله محنتدن
یاز بتوله نشانه زینبدن
.
.
.
همت ایله سوزون ادامه سینه
باخما غملی دیل استغاثه سینه
مرتضانون صفالی خانه سینه
گوز دولاندور او نازدانه سینه
صاحب اولموش عروس جامه سینه
یوز ویروب غم آنا نشانه سینه
ویر قولاق سوز عاشقانه سینه
آناسیزلیق سبب بهانه سینه
همنوادور حسین حزین سسینه
حسنون باخ فغان و ناله سینه
هامی تشویشیده بو صحبتدن
یاز بتوله نشانه زینبدن
.
.
.
آقام عبداللهه ایدوبدی نگاه
حسرتیله اودم چکوبدی بیر آه
ایتدی فرمایش اول جوان آگاه
شور و شوقیله ایله حمد الاه
زینبیلن تاپارسان عزت و جاه
بو بالامدان گلور شمیم پگاه
بودی اوغلوم حسینه پشت و پناه
اولار آینده روزگاری سیاه
ایلینده اسیر قوم تباه
وحده لا اله الا الله
ال گوتورمه قلم کتابتدن
یاز بتوله نشانه زینبدن
.
.
.
خانه بخته زینب اولدی روان
دالسیجا علی ویروبدی اذان
حسنینی اوخوردولار قرآن
دوتدی روحانی چهره دارالامان
باجی قارداش وصالی اولدی خزان
گیتدی زینب به دیده گریان
باخدی یانمش دره ایدوب افغان
سسلدی آی ننه سنه قربان
دیمه کی غملریم اولار پایان
اولارام غرق غصه اشک افشان
خامه چک نظمه بو عبارتدن
یاز بتوله نشانه زینبدن
.
.
.
زینبم وار باشیمدا چوخلی بلا
آی ننه دور یول اوسته ایله دعا
بو سنان گویلومه تسلی اولا
دیمه زینب حسیندن اولدی جدا
واردی مابینیمیزده عهد و وفا
جان چخونجا پوزولمیاندی آنا
اولاروخ رهسپار کوی بلا
دیر اوغلون او چولده وا ولدا
بالا قیزلار دیلونده وا ابتا
چوخ گراندی بلای کرببلا
آنا جان باغریقان اولار زینب
یورولار خسته جان اولار زینب
.
.
.
بخت ایوینده توکردی اشک ترین
دائما آغلیاردی تازه گلین
غصه ایتمیش احاطه دور و برین
اوخشیاردی خانم به سوز و انین
سسلیردی حسینی گاه حسنین
بو طرفده حسینده اول شه دین
کنج خلوتده چوخ فسرده غمین
باجیسی گویلونه دوشوبدی یقین
ایستدی دردی تا اولا تسکین
یولا دوشدی اودم امام مبین
فکر ایدوب شادمان اولار زینب
شوریله توآمان اولار زینب
.
.
.
یولا دوشدی حسین اورکده محن
باجیسین تا گوره او شاه زمن
گوستره تا شمیم سرو و سمن
زینبون گوزلرین ایده روشن
باجینون قلبینه اولا مآمن
بو سوزه عرشیان دیر احسن
چخدی ایودن او عصمته مخزن
قول بویون اولدی سرویله سوسن
اولدی آکنده عشقیله گلشن
باجی قارداشیلا ایدوبدی سخن
گور نجه خوش بیان اولار زینب
شوقیدن حمد خوان اولار زینب
.
.
.
آه او گوندن وداع آخرده
دوشدی زینب گوزی رخ زرده
غمدن اولدی باجی دل آزرده
شیونیله دولوب سراپرده
باجینی بو سوز ایتدی افسرده
قارداشون قلبینی سالوب درده
ایستدی زینب ایتسون عاشرده
آناسی ایستگین برآورده
یارالی قارداش اگلشوب یرده
اوپدی زینب بوغازونی بیرده
با حسین جانفشان اولار زینب
(زلفی) قدی کمان اولار زینب
.
.
#زینبیه_مدح
#زینبیه_ازدواج
#وداع
#ای_قلم_یازموسان_بهار_و_خزان
#زلفی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید