ای قوشون سرداری قارداش ویرخبر لشگر دایانسون #ورود_کربلا_صحاف_تبریزی

ورود اهل بیت به کربلا
زبانحال حضرت سید الشهدا به حضرت اباالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
ای قوشون سرداری قارداش ویرخبر لشگر دایانسون
غم قطارین ساربانلار ساخلاسون یکسر دایانسون
کاروان دوشسون بو چولده آل پیغمبر دایانسون
قاسم و اکبر دایانسون
.
.
ای آتام حیدر نشانی وی علمدار سپاهیم
مدفنیمدور بو بیابان کوی وصله شاهراهیم
بیر چوخور یرده بو یرده نصب اولونسون خیمگاهیم
گیچمرم بو سرزمین دن عترت حیدر دایانسون
.
.
ویرمیشم روز ازل دل من خدای کبریایه
جان ویرم عطشان بو چولده صبر ایدم هر بیر بلایه
باشدا یتمیش بیر مجاهد گلمیشم بو کربلایه
ایلسه هر کیم شراکت منله سرتاسر دایانسون
.
.
سو یولین باغلار بو چولده ظلم الیله قوم عدوان
آل پیغمبر قالولّار اوچ گیجه گوندوز لب عطشان
خیمه لردن عرشه قارداش اوج ایدر فریاد و افغان
آز قالور اوز گردشیندن چرخ کین گُستر دایانسون
.
.
ال گوتورّم من بو چولده جمله یار و یاوریمدن
قاسم وعبّاس و اکبر عون و فضل و جعفریمدن
اللریم اوسته گیچن دم شیرخواره اصغریمدن
وار یری سینمدن عرشه شعلۀ آذر دایانسون
.
.
ایلرم آل رسوله من سنی بو چولده سقّا
اوخلیوب مشگون سالولّار قولّارون سو اوسته اعدا
اوج ایدر طاق سپهره خیمه لردن شور و غوغا
بو غمه مشگلدی قارداش زینب مضطر دایانسون
.
.
ایلمز هرگز حیا بو قوم کینه مصطفادن
ظلمله آخر کَسَه لّر باشیمی عطشان قفادن
تا آلور قرآن صداسین زینبیم نوک جدادن
ظلم اعدادن چتیندور باشدا بیر معجر دایانسون
.
.
.
.
#ورود_کربلا #صحاف_تبریزی
#ای_قوشون_سرداری_قارداش_ویر_خبر_لشگر_دایانسون
#ترکی
.
✍️ #زبدةالاشعار ✍️
.
🆔: @nohe_torki