زبدةالاشعار

ای قویان کائناتی حیرتده شأن و جاه و جلالی یا زهرا #فاطمیه_سعدی_زمان

در شأن و جلالت حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
مرحوم #سعدی_زمان
.
ای قویان کائناتی حیرتده
شأن و جاه و جلالی یا زهرا
اولمیان مثلی حجب و عصمتده
باغ طاها نهالی یا زهرا
.
.
.
ای مُلقّب به مریم کبری
یوخ نظیرین اناث عالمده
نه خدیجه نه هاجر و سارا
سنده کی رتبه یوخدی مریمده
فاطمه فطم دندی بیر ایما
شیعه سین قویمیان جهنمده
نجه انثی سن عالمینین اولا
سنه قربان رجالی یا زهرا
.
.
.
جز علی و پیمبر رحمت
یوخدی سندن مقامیده بالا
مرتضی تاپماسیدی گر خلقت
کفؤون اولمازدی بیر نفر اصلا
ای خدای عوالمه ممدوح
مادحین ذات خالق یکتا
بو عقیدمدی کفردور هر کیم
دیه وار احتمالی یا زهرا
.
.
.
اولماسیدون اگر سن اولمازدی
نور خورشید و ماه تابنده
مهر و ماهه غلطدی تشبیهیم
حسنیوه مهر و ماه دور بنده
خدماتین فصول قرآنه
ایله بیر شارح برازنده
که سرشکین نهال اسلامین
اولوب آب زلالی یا زهرا
.
.
.
ای اولان صورتی بشر اما
فطرتی سیرتی فرشته و حور
باغ جنتده آدم و حوا
ایلین دمده سیر حور و قصور
منفعل اولدی اول ایکی زیبا
اوز جمالیندن ای طلیعۀ نور
اولاری قویدی حال حیرتده
حسن رویون کمالی یا زهرا
.
.
.
بُلمورم بو جلال و شو کتیله
خالق لم یزل یاراتدی سنی
یری خسف ایتمدی نه حکمتیله
دهر دون گول کیمی ساراتدی سنی
امت بی وفا حقارتیله
ظلم الیله خانم قوجاتدی سنی
نوجوانلیقدا غصه مرگ اولدون
قبره گیتدون یارالی یا زهرا
.
.
.
نجه دوزدی علی وفا کانی
شعلۀ آهویله اودلاندون
کیم ایدر حلّ بو معمانی
قاپی یاندی و یا اوزون یاندون
قاپودا سینوین قالور قانی
نجه یاندون فقط اوزون قاندون
حامله عورت ایتسه سقط جنین
کیم بُلر وار نه حالی یا زهرا
.
.
.
شیر یزدان او شاه کون و مکان
سنه ائتدی گجیله غسل و کفن
مدفنین ایلدی ولی پنهان
تاپماسین تا مزاریوی دشمن
حجت بن الحسن امام زمان
بیر گون ایلر او قبر پاکی علن
قانیوی آلمینجا وار او شهین
صبح و شام ابتهالی یا زهرا
.
.
.
بسکه چکدون مصیبت و محنت
جسمیدن رخت عشرتی سویدون
آز بیر عمریله یتدی چوخ زحمت
بو جهاندا حیاتیدن دویدون
غملرین اولدی زینبه قسمت
اوز یرینده او غمکشی قویدون
خم غمده بویاندی هر رنگه
اولدی بیحد ملالی یا زهرا
.
.
.
شهر یثربدن ائتدی ترک وطن
عزت و شوکت تمامیله
بش برادر تمام شیر افکن
دوره ده آتشین حسامیله
نچه آی مکه ده ایدوب مسکن
رشک خورشید و مه خیامیله
باغلادی کربلایه بار سفر
شرحه گلمز ملالی یا زهرا
.
.
.
کربلاده دوشوب بلایه باشی
دامنی گوز یاشیله ایسلاندی
ئولدی بیر گونده قوم و قارداشی
قلبی تک خیمه گاهی اودلاندی
قانه دوندی گوزینده گوز یاشی
شیعه نین باغری ایمدیده قاندی
دستگیر اولدی قوم اعدایه
گیتدی الدن جلالی یا زهرا
.
.
.
بو « حسینی » خلوص نیتیله
ایلیوب جده جان سیزه خدمت
بیر امیدیله میل و رغبتیله
خدمتینده ایدوبدی جدیت
ایستوری لطف بی نهایتیله
چکه سن سنده مختصر زحمت
ملک الموت گلمه میش گله سن
موقع ارتحالی یا زهرا
.
.
#فاطمیه_مدح
#فاطمیه_شهادت
#ای_قویان_کائناتی_حیرتده_شأن_و_جاه_و_جلالی_یا_زهرا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای عاشقان گلدی عشقین علمداری #عباسیه_حضرتی_ناعمی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی