شب عاشورا
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
ای ماه بنی هاشم ایا معدن غیرت
گئت شمر دغادن بو گجه آل بیزه مهلت
.
.
مهلت منه وئرسون گجه نی شمر ستمگر
تا راز و نیاز ایلیه لیلائیلن اکبر
لای لای سسینی درک ائده گهواره ده اصغر
گلزار علی گوللرینه یتمیه آفت
گول شاخه سی اوسته یاتا بلبل لری راحت
.
.
یوخ سنجه آلان دهرده منصب اتام اوغلی
هر چند چتیندور سنه مطلب آتام اوغلی
آل مهلتی راحت یاتا زینب آتام اوغلی
زینب بو گجه خیمه ده غوغا ائده جکدور
اوغلانلارینا درس جدال اورگده جکدور
.
.
گئت شمردن آل مهلتی سلطان حجازه
معشوقیله عاشق گله تا راز و نیازه
قوی صبحه کیمی وقت اولا اخیمده نمازه
آخر گجه دور عمرده زینب توکه قان یاش
قارداشلارین اخیمده دویونجا گوره قارداش
.
.
سن سرور و سالار سچه باب کرم سن
سرکردۀ اسلام نگهبان حرم سن
سن مایه ی امید حسین میر علم سن
گئت لشگر اشراره اخا ایله نصیحت
آل بو گجه نی شمر دغادن منه مهلت
.
.
سنسن بو قوشونسوز شهه لشگرسیز علمدار
باخ سن منیم احوالیمه گئت لشگره یالوار
مظلوم ایلیوبلر منی گور لشگر اشرار
آل مهلتی مشگلدی اگر چکمه خجالت
قیزلار گجه نی بلکه برادر یاتا راحت
.
.
ایجاب ائدوری مصلحت ای حیدره نائب
بیلسونله حسین جنگ و جداله دگی طالب
شام اهلی که قان توکمه گه اولموش بئله راغب
تک حال دفاع اولدی بو چولده سنه جایز
بیلسونله جهان اهلی اولاردی متجاوز
.
.
قوی قارداش ابوالفضل اولا دنیالره معلوم
قویدی بو قوشون حق حیاته منی محروم
بیلسونله پیمبر بالاسین ائتدیله مظلوم
هئچ گلشنین عالمده بئله گوللری سولماز
دنیاده منیم تک داخی مظلوم ئولن اولماز
.
.
هر چند عزیزلوق آتینی پیله میشم من
قولیمجه دئ : ای قوم سیزه نیله میشم من
یا هانسی حرام امری حلال ایله میشم من؟
سعد اوغلی بیلور حیدره من نور دو عینم
زهرا بالاسی سبط نبی تشنه حسینم
.
.
امت سو یولون عترت پیغمبره باغلور
اوچ گوندی سوسوزلوق دل بریانیمی داغلور
چارم کسیلوب من باخیرام قیزلاریم آغلور
سیزلر کیمی انسانه مسلمان دئمگ اولماز
رحم اولمیان انسانلارا انسان دئمگ اولماز
.
.
قورخون اوجالوب عرشه پناهسیزلارین آهی
اللهدی پناهسیزلارین عالمده پناهی
دل بیلمز اوشاقین ندی دنیاده گناهی
اخیمده قالوب تشنه مه انوریم آغلور
اوچ گوندی سوسوزدان سود امر اصغریم آغلور
.
.
شمره دئگیلن شام و عراقوزده گوزوم یوخ
گر تک منه سو وئرمسه واللهی سوزوم یوخ
اما بو اوشاقلاردا سوسوز قالسا دوزوم یوخ
بیر آخرته فکر ائله دنیا بئله قالماز
دریا سوئی بیر عده اوشاق ایچسه آزالماز
.
.
آخر گجه دور مهلت اولا میر حجازه
معشوقیله مشغول اولونا راز و نیازه
فرصت اولا تا صبحه کیمی اهل نمازه
صبح اولسا گئنه دین ائوین ایستر یخا یخسون
پیغمبرینین قلبینی ایستر سخا سخسون
.
.
قوی صبح آچیلا مقصده لشگر چاتاجاقدور
گون چخسادا گر شمس امامت باتاجاقدور
علقمده حسین قارداشی قولسوز یاتاجاقدور
مهلت وئره تا صبح اولا قان آخسادا آخسون
قاسم الینه قانلو حنا یاخسادا یاخسون
.
.
قصدیم بودی احیا اولونا دین شریعت
ئوز قانیمیلن ایلیم اثبات حقیقت
تاریخه باخانلار وئره زحماتیمه قیمت
من گلمه میشم بو یره دنیا سراقیندا
گلدوم که رقیم یانا اکبر فراقیدا
.
.
یاز نادری مهلت گجه سی بیر شب یلدا
بیر عده سوسوز دوره عدو قورخولی صحرا
معبوده مناجات ائدوری زادۀ زهرا
گلدوم منه تا کعبه ی آمال اولا قسمت
من بوردا یانام حشرده تا یانمیا امت
.
.
#شب_عاشورا_نادری
#ای_ماه_بنی_هاشم_ایا_معدن_غیرت
#ترکی
.
✍️ #زبدةالاشعار ✍️
.
🆔: @nohe_torki
نظر دهید