ای معدن شرافت و روح وقار اوغول #حضرت_ام_البنین_رستمی_تبریزی

زبانحال حضرت ام البنین سلام الله علیها
.
.
.
مهدی رستمی تبریزی
.
ای معدن شرافت و روح وقار اوغول
قویما گوزوم یولوندا قالا انتظار اوغول
.
سندن صورادونوبدی دونرگم قوجالمیشام
گورسن بوحالیمی اورگون اود دوتار اوغول
.
بو صون نفسده سنده باشیم اوسته گلمسون
من جان ویرنده کیم گوزومی باغلیار اوغول
.
بو رسمیدور که قبره گیدن دمده هر آنا
تابوته اوغلی یانه یانا اَل آتار اوغول
.
علت منه باجون بویوران خاطراتیدی
بو باره ده یوخومدی اگر انتظار اوغول
.
بیر جسمیکه ایکی قولی تندن اولوب جدا
قبره نه نوعیلن آنا جسمین قویار اوغول
.
کربوبلاده اوز ویرن هر بیر ملالیوی
نالان باجون ایدوبدی منه آشکار اوغول
.
علت ندورکه خیردا مزارایچره یاتموسان؟
قلبیم شرارینی بو غمون آرتیرار اوغول
.
شهلا گوزون که تازه لَدردی روانیمی
قان لخته لخته اولموش اونا پرده دار اوغول
.
صبحون اذانی خاتمه تاپدی ولی هنوز
آل علیّه ( رستمی ) نوحه یازار اوغول
.
.
#حضرت_ام_البنین
#ای_معدن_شرافت_و_روح_وقار_اوغول
#رستمی_تبریزی
#ترکی
.
.