یا مهدی
ــ
محمد هوشمند
ــ
ای ملک آفرینشه سلطان هایانداسان
جان دولت و جلالیوه قربان هایانداسان
ای عالمین صفاسی اؤرکلر داریخدی گل
اولدوق غمینده بی سر و سامان هایانداسان
درد ئولدورور بو جمع پریشانی قیل نظر
تئز گل سنین الینده دی درمان هایانداسان
گلسن گلر سنیله بهار بو خزان چوله
داغ داش اولار دوباره گلستان هایانداسان
سنسیز نقدری بایرام اولوب یاسه باتمیشوق
شادلیق ندور گر اولماسا جانان هایانداسان
سن بیر درین دنیز کیمی جوشقون بولاق کیمین
بیر عمردور کی قالمیشوق عطشان هایانداسان
آخدیقجا گوزیاشیم سوزولور حسرتیم اؤزه
غم تیری ائتدی باغریمی شان شان هایانداسان
هی چاتدی جمعه شنبه یه ، هی شنبه جمعه یه
یوخدور بو دُؤره نقطه پایان هایانداسان
تقویم لرین وراقلاری شاهددی بیر به بیر
سنسیز اولوب دی مهریمیز آبان هایانداسان
#مدهوش ائدیب فراق منی آزقالیر یئنه
مجنون کیمین دوشم چوله ویلان هایانداسان
#مهدیه
#ای_ملک_آفرینشه_سلطان_هایانداسان
#محمد_هوشمند
#مدهوش
#ترکی
✍️ #زبدةالاشعار ✍️
?: @nohe_torki
نظر دهید