یا مهدی
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
.
ای منتقم حقیقی تئز گل
الله الینی آچ انتقامه
عیسی گله دوردمنجی گویدن
اوز پیشنمازینه سلامه
بیر عمر چکنلر انتظارون
گورسوله شها او گل عذارون
.
.
اجرای اوامرونده خالق
مخلوقنی ایلیوب مکلّف
خلاق جهان سنه معرّف
سن گویلرین اهلنه معرّف
عیسای مسیح ایدر تمنّا
پابوسوه اولماقا مشرّف
درک ایلیه تا بو افتخاری
مأموم اولاسن کیمی امامه
.
.
أی مظهر قدرت الهی
وی وارث شهریار لولاک
باشدان باشا شرک و بدعتیله
آلوده اولوب بو عالم خاک
تعجیل ایله قوى قدم رکابه
بو یر یوزین ایله کفردن پاک
فردوس برین اولا بو عالم
دلدن یته اهل دین مرامه
.
.
ای حجت حق ولی مطلق
پامال مجاز اولوب حقیقت
عالمده اولوبدی حکمفرما
آداب و رسوم جاهلیت
بیر عصریدی عصر کفر و ظلمت
بیرر عهدیدی عهد بربریت
قاصردی بیانه فهم و ادراک
عاجزدی کتابتنده خامه
.
.
غیبت بولوتندان ای شه دین
خورشید جمالون آشکار ائت
مظلوم لرین آل انتقامین
ظالملره روزگاری تار ائت
نابود ایله کفری یر یوزیندن
آرامش و صلحی برقرار ائت
ویر خاتمه بو جدال و جنگه
بی نظم اموری سال نظامه
.
.
مین اوچ یوز ایگرمی سگّیز ایلدی
جدون شه دین حسین عطشان
قربانگه عشق کربلاده
اسلامه اولوبدی تشنه قربان
حق أوسته آخان او خون ناحق
سسسلر سنی انتقامه هر آن
گل قویما قالا او قانى یرده
الله الینی آچ انتقامه
.
.
وار کیمده او قدرت ایلسون فاش
اسرار شهادت حسینی
تن ویررمدى ذلته ئولونجه
گور بیر او شهادت حسینی
حیرتده قویوب جهانیانی
بو شأن و جلالت حسینی
دنیا یرى وار ایده نیایش
شخصیّت شاه تشنه کامه
.
.
گوردی او گونی که شاه عطشان
اسلام گونی دوشوب خفایه
پیغمبرین آز قالور که گیتسون
زحمتلری یکسره فنایه
اولمادی رضا او سرور دین
لطمه یته شرع مصطفایه
لیکن بونا راضی اولدی گیتسون
قانلی باشی نیزه لرده شامه
.
.
ایستردی ایده بنی امیه
بالمرّه بنای دینی ویران
ظلم و ستم و تعدی اولسون
تا جایگزین دین و قرآن
ترویج اولا قویمادی شه دین
بو نحس مرام آل سفیان
شورای قیام کربلادن
صادر اولونوب بو قطعنامه
.
.
خاموش اولا قالموری او قدری
اسلام و شریعتین سراجی
ظلمت دوتا یر یوزین بو دردین
عالمده تاپولمیا علاجی
تنها ره چاره و علاجی
وار قانوزا دینین احتیاجی
قانه بویانان حقیقت أوسته
نائل اولی عالی بیر مقامه
.
.
صحاف بشر بغیر معصوم
هر حالده جایز الخطادی
سندن نه قدر ویروب خطا باش
غم ایتمه بغشلین خدادی
قرخ ایل بیری یا حسین چاقورسا
دوزخده یانا مگر سزادی
نه خوشدی بو شاه تشنه کامه
نه ذات، خدای لاینامه
.
.
.
#مهدیه_صحاف_تبریزی
#ای_منتقم_حقیقی_تئز_گل_الله_الینی_آچ_انتقامه
#ترکی
.
✍️ #زبدةالاشعار ✍️
.
🆔: @nohe_torki
نظر دهید