زبانحال حضرت زینب سلام الله علیها در حال احتضار
.
✍️ زبدة الاشعار ✍️
.
🆔: @nohe_torki
.
حاج رحمان شاجری
.
ای منیم ایستکلی قارداشیم هایاندا قالموسان
زینبی غربت ولایتده گوزوندن سالموسان
.
.
آزقالوب عمروم قوتارسون انتظارم گل حسین
هجر اوتوندا یاندی قلبیم داغدارم گل حسین
یوسف زهرا بیلورسن اشگبارم گل حسین
سندن اوتری شامیده چوخ بیقرام گل حسین
قویما دیداره باجون حسرت بیلورسن خسته دی
گل گلن یولّاره قربان زینبون جان اوسته دی
.
.
سن بیلورسن زینبون قلبینده چوخ داغ وار اخا
راضی اولما داغلی قلبیمده منیم حسرت قالا
احتضار حالیندیم گوز تیکموشم اما یولا
گل باشیم اوسته وئروم آسوده خاطر جان آقا
کیم گوروبدی یدّی قارداش باجیسی تک جان وئره
جان وئرنده حالی ئوز یالقوزلیقین اعلان وئره
.
.
یاحسین گل جسمی تحلیله گئدن زینب ئولور
قارداشی اوغلی ئولن دور از وطن زینب ئولور
غم شریکون قدینی قدینی غملر بوکن زینب ئولور
قمچیلر ردّی قولوندان گئتمین زینب ئولور
گل گوروم آخر نفسده گل جمالون جان وئروم
سن اوخی قرآن حسینیم جانیمی آسان وئروم
.
.
زنده دی عمرونده بلبل گلشنه خاطر حسین
هربلا گلسه دؤزر اول سوسنه خاطر حسین
هفت شهر عشقی گزدیم من سنه خاطرحسین
سنده لطف ایله دمشقه گل منه خاطر حسین
جان وئرنده باجینون وار احتیاجی قارداشا
گلمه سن جان وئرماقیم مشکلدی ای مشکل گشا
.
.
خواهشیم واردور گلنده وئر ابوالفضله خبر
باجینون جان وئرماقی قارداشینه ایلر اثر
گرچه چوخدور پیکرونده یاره سی بیلسه اگر
جان وئرور زینب غریبانه دؤزه بیلمز گلر
دئ علمداره که زینب ای اخا سو ایستمز
چکمسون خجلت لب عطشان قالسادا سو ایستمز
.
.
بوندان آرتوخ قویما قالسون گوزلریم یولدا حسین
شهپری سینمش قوشا بنذور باجون گل یاحسین
هئچ کسیم یوخ قالمیشام من بیکس و تنها حسین
گوزلرون قربانی گل فریادیمه بوردا حسین
لااقل گل باشیم اوسته قبلیه دوندر منی
گوزلریم باغلانمامیش بیر دفعه ده گورسون سنی
.
#سبک_زینبم_جان_اوستیم … 4 سبک
.
.
#زینبیه_شهادت
#ای_منیم_ایستکلی_قارداشیم_هایاندا_قالموسان
#شاجری_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید