زبانحال مولای متقیان در شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا …
با صدای مرحوم استاد #سلیم_موذن
.
سیفی اردبیلی
.
ای ناز ایلین سینۀ پیغمبره زهرا
بند دل طاها
دیداریمیزی قویدی فلک محشره زهرا
یانسون بیله دنیا
.
.
.
دنیاسنیلن ترسه مدار اوسته دولاندی
ظلمینده دایاندی
شیخین دغا حرمتیوی حقّیوی داندی
نه مندن اوتاندى
اود ووردی عدو درگه اجلالیوه یاندی
سینون یارالاندى
توش ائتدی گوزل دامنوی آذره زهرا
یانسون بیله دنیا
.
.
.
غرق ائتدی سنی محنته طوفان اوز ائوینده
عدوان اوز ائوینده
اطفالون أولوب قوش کیمی ویلان اوز ائوینده
نالان اوز ائوینده
سینون یاراسی اولمادی درمان اوز ائوینده
لقمان اوز ائوینده
وئرموبدی امان دست قضا حیدره زهرا
یانسون بیله دنیا
.
.
سن همتیله دوقّوز ایل اولدون منه غمخوار
ای یار وفادار
چنگال ستم ایتدی سنی درده گرفتار
دلخسته و بیمار
چکدون شرر هجریله چوخ سینمه داغلار
قویدون منی آغلار
آیدین سحریم دوندی منیم محشره زهرا
یانسون بیله دنیا
.
.
ظلم اهلی سالوب خرمن آمالوی ناره
قوزاندی شراره
ثانی سنی وردوقجا علی ایتدى نظاره
باخ صبر و قراره
نسگل بودی قویدوم سنی گزلینده مزاره
پهلولری یاره
باخدم نگران تئز یومولان گوزلره زهرا
یانسون بیله دنیا
.
.
قویدی سنی دنیای دنی خوش گونه حسرت
یات قبریده راحت
عفو ایله سنی ساخلامادیم یاخچی امانت
وار منده خجالت
باغلار سینوون یاره سینی ختم رسالت
ای لالۀ جنت
خالق یتورر قاتلوی کیفره زهرا
یانسون بیله دنیا
.
.
.
#فاطمیه_سیفی_اردبیلی
#فاطمیه_شهادت
#ای_ناز_ایلین_سینۀ_پیغمبره_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید