وداع حضرت سیدالشهداء
زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم ذهنی زاده
.
ای نیر افلاک رسالت آنام اوغلی
خورشید سماوات شهادت آتام اوغلی
.
.
دفترچۀ خلقتده ازل منشی تقدیر
عنوانینه بیر کلمه یازوب منشاء تحریر
بو کلمه حروف اوسته گله عشق اولی تعبیر
وسعت ویره گر ضیق عبارت آنام اوغلی
.
.
تک عشقده دور جمع رموزات جهانی
اوچ حرفینه مخصوصدور اسرار نهانی
هر حرف اوز اسرارینه بیر شرح معانی
بیر رمزدی معنادن او صورت آنام اوغلی
.
.
بس عشقدی خلقتدن اولان علت غائی
منظور محبّتدی چه بدوی چه نهائی
دنیای محبتده نه شاهی نه گدائی
عشق اهلینه بیردور هامی حالت آتام اوغلی
.
.
.
سلطان اولا عشق اهلی گدادور دَرِ عشقه
شه دور بیله درگهده گدا کشور عشقه
پرگار صفت دور ایلین محور عشقه
بولمز ندی زحمت ندی راحت آنام اوغلی
.
.
بیر آینه دور عشق که اوندا کَدَر اولماز
بیر جلوه سی وار باخبریندن خبر اولماز
هر کیم اثرین گورسه اوزوندن اثر اولماز
سنسن همان آئینه حقیقت آنام اوغلی
.
.
گوستردون او آئینه نی هر پیر و جوانه
بیگانه ده اولسیدی سنه اولدی یگانه
بیر بیرلرینه سبقت ایدوب باتدیلا قانه
آری بودی آئین محبت آنام اوغلی
.
.
بیر یاندا که اغیار سنه یار اولا جانی
آئینه باقینی گوزنده اولا فانی
زینب دگلم گر ایتورم رسم وفانی
امروندن ایدم ذرّه جه غفلت آنام آوغلى
.
.
هر امریوین اجراسی برادر گوزوم اوسته
هر گونه شداید ده دایانّام دوزوم اوسته
تا واردی غمون دلده وارام اوز سوزوم اوسته
یوخسا نه دی آئین اخوّت آنام اوغلی
.
.
گیت فارغ و آسوده دل ای روح روانیم
قوی سنله گیده روح روانیم دل و جانیم
سنسیز قالا دنیاده اگر نام و نشانیم
دنیاجه وار اوندا غم و حسرت آنام اوغلی
.
.
گیت لیک یانش گتمه ره رسم سفردن
دل آینه سین دوتقون اولا قویما کدردن
شهزاده خانم قیزلاریوى سالما نظردن
آغوشیوه آل ایله شفقت آنام آوغلی
.
.
گلشنده بولورسن که قیزل گل لر آچاندا
سنبل بولودون اشگینه زلف سر آچاندا
اَگلندیری گل سینه ده بلبل پر آچاندا
بلبلدى بولار سن گله نسبت آنام اوغلی
.
.
قوى سینه سین هجران اودینا داغلیه زینب
بو آیریلیقا سس چکه بیر آغلیه زینب
اگلش یره باشون یاراسین باغلیه زینب
قیمتلی غنیمتدی بو فرصت آنام آوغلى
.
.
#حسینیه_وداع
#ای_نیر_افلاک_رسالت_آنام_اوغلی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید