زبدةالاشعار

ای وئرن زهریله جان ملک خراساندا غریب #رضویه_دلریش

شهادت امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم دلریش
.
ای وئرن زهریله جان ملک خراساندا غریب
ایلدون ترک وطن سن ره جاناندا غریب
آغلاروخ غربتیوه
جان وئرن حالتیوه
محنت فرقتیوه
یارالی یارالی
.
.
.
شیعه لر گر بیری غربتده اولا شاه جهان
چوخ اولور محنت و اندوهی وئرن وقتده جان
باخار حسرتله صولی صاقینه هر آن نگران
گوزی یوللاردا قالور جان وئره هریاندا غریب
.
.
بیر ستم طوسده مأمون ستمکار ائلدی
حشره دین شیعه لری دیده سی خونبار ائلدی
آه او وقتدن بو شهی بزمینه احضار ائلدی
زهر کین وئردی قویوب محنت هجراندا غریب
.
.
او اباصلت دیر گوردوم امام مظلوم
بزمدن چیخدی عبا باشدا من اولدوم مغموم
بولدوم اول سروری ظلمیله ائدوبلر مسموم
اول شهین حالی منی آغلادی هر آندا غریب
.
.
یتیشوب حجلیه اول پادشه کون و مکان
بویوروب یغگیله بو فرشلری سن بو زمان
رسمدور جمله غریبه قوری یرده وئره جان
منده ئولّم قوری یرده ره جاناندا غریب
.
.
بو غریبین غمی گتدی منی چوخ فریاده
سالدى بیر اوزگه غریبی بو مصیبت یاده
گلمز اصلا غم و اندوهی اونون تعداده
یوخدی بو شاه کیمی عالم امکاندا غریب
.
.
بولمرم هانسی غمین شیعه چکوم اظهاره
ووردیلار اهل جفا جسمینه بیحد یاره
نیزه و خنجریله ایلدیلر صد پاره
خاک و خون ایچره قالوب نعشی بیاباندا غریب
.
.
یاحسین بن على جانیوا جانور قربان
سن کیمی غسلی اولوب هانسی غریبون آلقان
هانسی شاهین ائلیوبلر باشینی زیب سنان
قالوب اوچ گون بدنی صفحه میداندا غریب
.
.
تشنه لب اهل جفا اکبریوی اصغریوی
یتوروب قتله خزان ایلدیلر گل لریوی
ستم خار ائلیوب لال او بلبل لریوی
اولماسا گل اولی بلبلده گلستاندا غریب
.
.
بارالها به حق پنج تن آل عبا
دوتا هر کیمسنه بو شاه شهیدانه عزا
ائله «دلریشی» ده زوّار شه کرب و بلا
دولاناخ سینه زنان بیرده او ایواندا غریب
.
.
#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
.
#رضویه_شهادت
#ای_ویرن_زهریله_جان_ملک_خراساندا_غریب
#دلریش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دئدیم هلاله نه باعثدی قامتون خمدور #ورود_محرم_حقیر_خویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی