زبدةالاشعار

ای وئرن قان سو یرینه گلشن دین مبینه #اربعین_عاصی_تبریزی

اربعین
زبان حال حضرت زینب کبری(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_ویرن_ویرانه_یرده
.
.
ای وئرن قان سو یرینه گلشن دین مبینه
شامدن گتدیم عیالون قبرون اوسته اربعینه
.
.
گر چه بیر مدت دایاندیم تلخی زهر فراقه
وصلیوه آخر یتوردی دلدہ کی فطری علاقه
جذبۀ عشقون دوباره زینبی گتدی عراقه
شکرلله قسمت اولدی مرقدون بو دل حزینه
.
.
من بو مدتده نه چکدیم سن بولورسن اوزگه بولمز
بو قدر درد و غمیله کیم دیردی زینب ئولمز
گر آچام درد دله دیل حشره دین تقریره گلمز
سن اوزون واقف سن آخر جور و ظلم اهل کینه
.
.
بی سبب بازوی زینب اولمادی بسته طنابه
بی سبب دوزموبدی زینب جور و ظلم بی حسابه
سر برهنه گئتمیوبدی بی سبب بزم شرابه
بو اسارت اولدی علت رونق دین مبینه
.
.
صبر ائدوب دوزدوم دایاندیم چوخ غمه من بو سفرده
زادۀ مرجانه امّا قلبیمی چوخ گتدی درده
گوردوم ایستور مجلسنده چکسون آخر حقّه پرده
عاقبت وئردیم اجازه دلده نطق آتشینه
.
.
دینی گوردوم تا خطر ده قلبدن یاندیم آلشدیم
دین یولوندا قدرتیمجه من او مجلسده چالشدیم
ائیله گئتدی صبریم الدن بزم عام ایچره دانشدیم
مجلس اهلی قالدی حیران اول بیان دل نشینه
.
.
بیله بولدی عاجزم من قولدا وار قید اسارت
آچدی دل توهینه قارداش ائیلدی بیحد جسارت
بیر به بیر وئردیم جوابین اولدی صبر و تابی غارت
آتش غیظ و عداوت اولدی غالب اول لعینه
.
.
قان وئروردی گر چه قارداش باشدا کی محمل یاراسی
محو ائدوب بالمرّه دلدن لیک او زخمی دل یاراسی
واردی قلبیمده علاوه بیر نچه نسگل یاراسی
من دیوم سن قبر ایچینده آغلا ای شاه مدینه
.
.
سوز یتیشدی بیر محلّه اول لعین کینه بنیاد
زینبین قتلیندن اوتری ایستدی مجلسده جلاد
اولمادی بیر کیمسه ائتسون زینب ناشاده امداد
چوخ گران گلدی بو مطلب لیک فخرالسّاجدینه
.
.
قولّاری باغلیدی قارداش هم اوزی تبدار ناخوش
حال زارین شرح ائدم من بوندان آرتوخ گورمورم خوش
بو قدر واردور حسین قارداش ابوالفضلین یری بوش
مرتضی آسا باخیدی بیر او بی ایمان و دینه
.
.
گُل یوزه گُل یوزلی قیزلار اشگ دوزدی همچو ژاله
اهل بیتوندن اوجالدی عرشه داد و آه و ناله
آخر «عَمر بن حُریثین» قلبی اودلاندی او حاله
گوردی فوج درد و محنت زینبی سالموش کمینه
.
.
زینبون ایکاش ئولدی ای هامی عالم پناهی
گور حسین سنسیز جهاندا کیملر اولدی دادخواهی
وار یری آهیم شراری یاندورا بو مهر و ماهی
قبریده سندن اوجالسا ناله گر عرش برینه
.
.
زینبون سانما جهاندا گورمین بیر ظلم قالدى
حق بولوب بدر انتقامین اهل باطل مندن آلدی
عاقبت مرجانه اوغلی عترتون زندانه سالدى
گورنه ذلّتلر یتشدی آل میر مؤمنینه
.
.
ای فدا بو قبریوه من ای منای حق فداسی
نه دیوم من باشه گلمز باشمون چوخدور بلاسی
قوى آنام قبرینه قالسون شام شومین ماجراسی
خوشدی ایندی قبرون ایلوم زینت آغوش و سینه
.
.
زینب کبری اؤُزون تا سالدى قارداش قبری اوسته
آل عصمت شوره گلدی آچدیلار باش قبری اوسته
باش آچانلار ساچ یولانلار توکدی قانیاش قبری اوسته
تازه دن اولدی قیامت عترت حبل المتینه
.
.
هر باجی قارداش آنا آلدی اوغول قبرین کناره
هر قرا معجر سالوب بیر قاره معجر بیر مزاره
لیک ابوالفضلین سالندی قبری اوسته اوزگه قاره
اولماسون بو نکته نسگل تا خانم امّ البنینه
.
.
ضرب سیلیدن او که یوزده گتورموشدی نشانه
یا او کسلر که واریدی قولدا جای تازیانه
قویدی یوز سالدی قولون اول قبر پاکه یانه یانه
قبرینه اولدی قرا، هم عرضحاله بیر قرینه
.
.
رسمدور هر کیمسه ئولسه اربعینده قبری اوسته
قوم و خویش و اقرباسی گل دوزلّر دسته دسته
وئردی ترتیب ایله گللّر بانوان دل شکسته
رنگده طعنه ووراردی ارغوان و یاسمینه
.
.
قبرینین ترکیبی پوزدی اهل بیتین حال زارین
قامتیندن خوردا گوردی تشنه لب سقا مزارین
آلدی کلثومون الیندن بو قضیه اختیارین
قلبدن یاندی آلشدی ظلم قوم مشرکینه
.
.
یا حسین ایله توجه عاصی بی دست و پایم
سن شهنشاه دو گیتی من قاپوندا بیر گدایم
بیر نولور گورسم که منده عازم کرب و بلایم
قبر پاکون قسمت اولموش بو فقیر و مستکینه
.

متن پیشنهادی:  ای ساقی طفلان عمو لبلر یم یاندی

#اربعین_عاصی_تبریزی
#ای_وئرن_قان_سو_یرینه_گلشن_دین_مبینه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی