#یا_اباالحسن
زبانحال حضرت زهرا (س) در بستر شهادت
.
✍️ زبدةالاشعار ✍️
.
🆔: @nohe_torki
.
صالح علی نژاد (صالح)
.
ای ولاسی عین ولایتِ
ختم الانبیا یااباالحسن
سیزدن ایلیوب کسب اعتلا
خیرة النسا یااباالحسن
.
.
تک نه فاطمه ببر جهان سنون
دام عشقوون مبتلاسی وار
گلشن جمال جمیلیوون
خلدنده آرتوق صفاسی وار
سنده مین طبیب زمانه نون
هم دواسی وار هم شفاسی وار
چاره سیزلره بینوالره
ایلسن دوا یااباالحسن
.
.
مقدم همایون سروره
رسمیدور ایدلَّر گهر نثار
ممکن اولمادی من بو باره دن
وار یری ایدم سندن اعتذار
ویر اجازه ای میر ممتحن
تا که الده وقت و مجال وار
منده ایلیوم نقد جانیمی
جانیوه فدا یااباالحسن
.
.
ای صفاتی ذات حقه مثل
ای ولی خلّاق ذوالمنن
تخت و تاج ملک ولایتین
صاحبی، ئوزی میر ممتحن
باخ حسنه بیر گلدی مصطفا
سنسن اول گله عشقه پیرهن
بو گلی ئوزی پرورش ویروب
خالق علا یااباالحسن
.
.
سنله عالم ذرّیده شرف
انبیائیله اولیا تاپوب
مهر و ماه و اجرام نه فلک
نورویله ضوء و ضیا تاپوب
کعبه و منا، مروه و صفا
سنده کی صفادن صفا تاپوب
گلشن ولایتده حشرده دین
واردی بو صفا یااباالحسن
.
.
سن امام کون و مکانسن
واردی ارتباطون خدائیله
باغلادون ازلده معاهده
عشق و شوریله مصطفائیله
توتیا ایدر دیدۀ جهان
خاک مقدمون التجائیله
آستانیوه یوز قویار سنون
خسرو و گدا یااباالحسن
.
.
خلق ایدوبدی خلاق ذوالمنن
ذاتیوی مُنَزَّه سرشتیدن
سیزدن اوزگه آگه دگول منیم
باشمه گلن سرنوشتیدن
سربسر سرای ولایتون
باصفادی باغ بهشتدن
جایگاه حور و فرشته دور
بیله بیر سرا یااباالحسن
.
.
حشمت سلیمان یتر مگر
احتشام و فرخنده جاهیوه
جانیوه قسم اهل عالمین
احتیاجی وار بیر نگاهیوه
باغلیوبدی زهرا امیدینی
هر زماندا امّیدگاهیوه
بیر الی که دامانیوی دوتوب
ایلمز رها یااباالحسن
.
.
کیم سنیله ایتسه موافقت
رستگار اولوب ایلمز خلاف
حق کلامینه اعتصام ایدر
یار و یاور عترت مناف
یمن اعتبارونلا بَدودَن
عالمه اولوب کعبه بیر مطاف
هاردا خشتیده، سنگده اولار
بیر بیله بها یااباالحسن
.
.
اشگ چشمیله شیشۀ دلین
گر چه فاطمه گرد روب ایدر
لیک بیر نگاهونلا قلبدن
رفع ابتهال و کروب ایدر
عصر وقتی گون گیتسه مغربه
آفتاب عمروم غروب ایدر
بو غروبدن تیره تار اولار
قلب نُه سما یااباالحسن
.
.
شکر اولا جمالون زیارتی
صون نفسده اولدی منه نصیب
یوخ جهاندا محبوبه من کیمی
یا که سن کیمی همدم و حبیب
دلپذیردور صحبتون سوزون
شرح حال وصفوندی بس عجیب
دل ویروب سنه فاطمه کیمی
یار دلربا یااباالحسن
.
.
کیم بولر که آزاده جبریله
قیده بسته اولسا، نلر چکر
کیم بولر که دلداده غصّه دن
دلشکسته اولسا نه لر چکر
کیم بولر ایوینده تک اگلشن
زار و خسته اولسا نلر چکر
دام ابتلاده قالان بولر
وار نه ماجرا یااباالحسن
.
.
گور عم اوغلی انصافیدور یانوب
قلب فاطمه داغدار اولا؟
آتشیله درگاهی اودلانا
درد و ابتلایه دچار اولا
خار ظلمیله گل وجودیدن
دست و سینه دن زخمدار اولا
هاردا من کیمی بیر خانم گوروب
بیر بیله بلا، یااباالحسن
.
.
دشمنین جفا و اذیّتی
سلب ایدوب قرار و ثباتیمی
دویموشام بیله بیر حیاتیدن
ئولماقیمدا گورّم نجاتیمی
تا فرشته پخش ایتدی گوگلره
بانگ حزن عجل وفاتیمی
حق یانندا یتدی اجابته
ائتدوقوم دعا یااباالحسن
.
.
#صالحا #حسینی گوزل یازوب
نظمه خوش دوشوب بیله سرسخن
ای ایدن خراسانی کربلا
هر غمه رضا یااباالحسن (1)
سنده فاطمه قولیجه سوزون
ایلدون ادا، سویلدون علن
ای ولاسی عین ولایتِ
ختم الانبیا یااباالحسن
ــــــــــ
(1) متن کامل این بیت در لینک زیر
#ای_ایدن_خراسانی_کربلا_هر_غمه_رضا_یا_ابالحسن
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
.
#فاطمیه_شهادت
#ای_ولاسی_عین_ولایت_ختم_الانبیا_یااباالحسن
#صالح_علی_نژاد
#ترکی
.
✍️ #زبدةالاشعار ✍️
.
🆔: @nohe_torki
نظر دهید